Fótbolti.net

Ómar Björn: Greinilega alltaf gíraðir gegn Blikunum

Lárus Orri: Sagði við mig eftir leik að þetta væri auðveld staða

Dóri Árna: Meiri trú og ástríða í augum Skagamanna

„Þú veist að það er bara einn Siggi Hall"

Guðlaugur Victor fer yfir sigurmark Frakka: Ég er nógu hraður til að díla við Mbappe

Daníel Tristan í skýjunum: Það skemmtilegasta sem ég hef gert í lífinu

Skoraði markið umtalaða - „Dómaranum fannst það sem ég skil ekki”

Ísak stoltur og talar um rán - „Ég er bara að drepast”

Vissi að þetta væri rautt: „Sagði strax við strákana að ég ætla að liggja aðeins“

Franskur blaðamaður: Yrði mikið sjokk að vinna ekki Ísland

Kristian: Ekki rétt það sem kom fram um mig

„Ef við byrjum leikina eins og seinni hálfleik getum við gert drullu góða hluti"

Ólafur Ingi stoltur af frammistöðunni - „Fyrir mér glórulaus dómur"

Mikael Egill: Er það ekki bara Frakkinn?

Stefán Teitur: Nei, það er geðveikt

Sverrir Ingi: Bónusleikur fyrir okkur

Ísak Bergmann: Stórt fyrir Skagann á erfiðu sumri

„Mbappé má eiga það að hann er fljótur”

Björgvin Karl: Hefðum átt að klára þennan leik

Óli Kri: Við fengum erfiðan andstæðing í dag

fös 21. febrúar 2025 11:00

Hafliði Breiðfjörð
Zurich, Sviss.

Glódís: Hún er ein besta sexa í heimi

Glódís Perla á æfingu Íslands í gær

Mynd: Fótbolti.net - Hafliði Breiðfjörð

Lia Wälti í leik með Arsenal í vetur. Hún mætir Íslandi með Sviss í kvöld og Glódís Perla segir hana eina bestu sexu í heimi.

Mynd: EPA

,,Það er mikið sem gerist á þessu ári og margt sem bæði og ég bæði liðin getum bætt okkur í.''

Mynd: Fótbolti.net - Hafliði Breiðfjörð

„Þetta er búið að vera fínt. Við erum búnar að æfa hérna í þrjá daga og taka undirbúninginn," sagði Glódís Perla Viggósdóttir fyrirliði Íslands við Fótbolta.net fyrir æfingu íslenska landsiðsins í Zurich í gær en framundan er leikur við Sviss í Þjóðadeildinni sem fer fram klukkan 18:00 í kvöld.

Glódís Perla ræddi við Fótbolta.net á keppnisvellinum Stadion Letzigrund í Zurich þar sem lokaæfingin fór fram en fram að því höfðu þær æft á gervigrasi.

„Ég er spennt að æfa loksins á grasi og taka síðasta undirbúninginn fyrir leikinn," sagði Glódís Perla.

„Gervigras er ekki uppáhaldið mitt, ég er orðin vön grasi úti en auðvitað ólumst við flestar upp við að vera mikið á gervigrasi. Það eru allir vellir grasvellir í Þýskalandi. Mér sýnist völlurinn hér í toppstandi svo þetta verður frábært á morgun."

Leikur við Sviss á morgun, þekkirðu mikið til liðsins?

„Já ég þekki einhverja leikmenn. Það eru nokkrar í Bundesligunni og svo eru þær með leikmenn í flottum liðum. Þær eru með hörkulið en liðið er aðeins breytt síðan við spiluðum við þær síðast, þá vantaði marga leikmenn. Við getum því ekki horft í þann leik. Þær eru að undirbúa sig fyrir Þjóðadeildina og EM á heimavelli í sumar hjá þeim og ljóst að þær ætla að sýna hvað þær geta."

„Ég held þetta verði jafn leikur. Þær hafa verið að þróa sinn leik með boltann og eins og við vilja þær halda meira í hann. Þær geta farið direct og spilað líka. Þær eru með leikmenn í flottum liðum og sexan þeirra, Lia Wälti er ein besta sexa í heimi. Þetta verður verðugt verkefni fyrir okkur og við verðum að eiga virkilega góðan leik á móti þeim. Ég hef fulla trú á að við getum spilað okkar leik á móti þeim."

Nánar er rætt við Glódísi í spilaranum að ofan. Hún átti frábært ár, var tilnefnd í Ballon d'Or í fyrra, vann þýsku deildina og var valin Íþróttamaður ársins. Aðspurð hvort hægt sé að toppa það ár núna sagði hún?

„Já það er alltaf hægt að gera það, ég vil alltaf bæta mig og ég vil ná lengra. Við erum með stór markmið í Bayern á þessu ári og ætlum áfram. Okkur langar í undanúrslit og úrslit í Meistaradeildinni og svo er EM í sumar og við viljum halda áfram að bæta okkur sem lið. Það er mikið sem gerist á þessu ári og margt sem bæði og ég bæði liðin getum bætt okkur í."