SKÝRSLAN: Þórsarar frábærir í Boganum
Hvað réði úrslitum?
Þórsarar voru með yfirhöndina nær allan leikinn og unnu að lokum sanngjarnan sigur.
Bestu leikmenn
1. Sigfús Fannar Gunnarsson
Þvílík hætta sem skapasat í hvert sinn sem hann fær boltann. Skoraði sitt sjöunda mark í deildinni.
2. Orri Sigurjónsson
Alvöru leiðtogi aftast. Mikið öryggi í kringum hann, setur tóninn fyrir restina af liðinu. Clement Bayiha og Ibrahima Balde einnig frábærir.
Atvikið
Þórsarar fengu jöfnunarmark á sig snemma í seinni. Svöruðu því hins vegar strax sem var virkilega sterkt fyrir heimamenn.
Hvað þýða úrslitin?
Þór er með tíu stig en Fylkir er aðeins með fimm stig eftir fimm umferðir.
Vondur dagur
Eyþór Wöhler sást mjög lítið og virkaði ekki í takt við leikinn. Maður býst við meiru frá honum.
Dómarinn - 6
Það voru tveir dómarar í leiknum í kvöld. Bergvin Fannar Gunnarsson meiddist eftir hálftíma leik en hann gerði vel fram að því. Sveinn Arnarsson tók við og var heilt yfir flottur, frá mínu sjónarhorni séð hefði hann hins vegar átt að reka Orra Svein Segatta af velli þegar hann tók Sigfús Fannar úr jafnvægi með því að halda í hann þegar hann var að sleppa í gegn.