Leikurinn endar hér 1-1 á Lerkendal Stadion Verulega svekkjandi að missa þetta niður í jafntefli á síðustu 10 mínútum leiksins

Sveindís fær síðan færi á hinum endanum en skotið út framhjá

Hegerberg í duaðafæri! En skrítin sending hjá henni

Risa tekur hornspyrnuna en Cecilía vel á verði og handsamar þennan. Terland brýtur síðan á henni og aukspyrna dæmd

Norðmenn spyrna inn í fer af Dagnýju og útaf, hornspyrna dæmd

Jæja nú þarf að setja í 5 gír og henda inn einu marki takk!

Thea Bjelde fær aðhlynningu og leikurinn stopp á meðan

Agla María tekur spyrnuna en norðmenn ná að hreinsa í burtu

Sveindís Jane nnálægt því að bæta við, með hælspyrnu eftir góða fyrirgjöf frá Öglu Maríu

Norðmenn að komast í annað gott færi hér í röð, en varnarmenn og Cecelía vel á verði og ná honum

Þarna komust norðmenn í gott færi, fyrirgjöf sem Cecilía ver en missir frá sér en nær svo haldi á honum aftur

Karólína Lea tekur spyrnuna inn í, boltinn út í teig og Agla María með gott skot en Cecilie í markinu ver vel

Agla María kemur með fyrirgjöf, en Sveindís hittir ekki boltann

Natasha liggur hér aftur og fær aðhlynningu, spurning hvort við séum að fara sjá fyrstu skiptingu íslenska liðsins?

Norðmenn biðja hér um hendi, en ekkert dæmt, sóknin heldur áfram en endar svo útaf

Sveindís nær að komast inn í sendingu og hleypur upp völlinn en missir hann

Natasha liggur eftir og fær aðhlynningu, vonandi er þetta ekkert alvarlegt

Darraðadans í teig Norðmanna, Hlín og Karólína Lea með boltann, endar útaf og Ísland fær horn. Ekkert verður þó úr því.

Fyrirgjöf á Hegerberg en hún skallar hann fram hjá.

Graham Hansen fær fyrirgjöf og skallar að marki en Cecilía örugg í markinu og grípur hann.

Sandra þeysist upp völlinn en réttilega dæmd rangstæð

Graham Hansen í dauðafæri en framhjá fer boltinn, eiginlega erfiðar að setja hann framhjá en á markið, stelpurnar ljónheppnar þarna.

Noregur spyrnir þessu af stað

Ingibjörg skallar frá og það er flautað til hálfleiks um leið. Flottur hálfleikur hjá íslenska liðinu en Noregur komst aðeins of mikið inn í leikinn fyrir minn smekk undir lok hálfleiks. Komum aftur eftir korter! Áfram Ísland!

Noregur fær hornspyrnu þegar við erum að detta í hálfleik. FÓKUS!

Færin verða ekki mikið betra en þetta sem Karólína fékk áðan. En áfram gakk! Norðmenn bara að reyna að gefa okkur mark en við þiggjum ekki gjöfina.

Noegur tapar boltanum í öftustu línu og Karólína er í algjöru dauðafæri en Fiskerstrand ver. Grátlegt að ná ekki að skora þarna. Maður lifanndi!

Sandra María tekur boltann á lofti og á skot lengst yfir. Aðeins meiri yfirvegun, takk fyrir.

Vakna stelpur!

Caroline Graham Hansen með hörkuskot sem Cecilía ver. Þær ná skotinu en það fer yfir markið. Voru hættulega nálægt því að jafna þarna.

Við þurfum að ná aðeins meiri ró á boltann núna. Heimakonur að auka pressuna. Graham Hansen núna með fína skottilraun sem fer fram hjá.

Graham Hansen liggur eftir en stendur svo upp. Eitthvað ósátt við dómarann.

Graham Hansen komin í fína stöðu en Glódís gerir vel í að trufla hana og sendingin hennar ekki nógu góð. Allur sóknarleikur norska liðsins fer í gegnum Graham Hansen.

Norska liðið í ágætis sókn en Glódís og Natasha loka vel á þetta.

Heimakonur með fyrirgjöf sem Ingibjörg skallar í burtu og svo grípur Cecilía. Stuttu áður fékk Sandra María fínt færi en skotið ekki alveg nógu gott.

Hvernig er ekki búið að taka hátalarann af þessu liði þarna í stúkunni? Ég hef aldrei séð svona á fótboltaleik.

Langt innkast frá Sveindísi og Glódís inn á teignum. Virkaði ekki í þetta skiptið.

Guro Bergsvand, 'sú meidda', kemur hér aftur inn á.

Leikmaður liðsins leggst í grasið og allar aðrar hlaupa til fundar með þjálfaranum, Gemmu Grainger. Íslenska liðið spilað frábærlega og eru óheppnar að vera ekki tveimur mörkum yfir.

Frábært spil hjá íslenska liðinu! Eftir að hafa spilað sig út úr pressunni þá fær Hlín boltann úti hægra megin og keyrir upp. Hún köttar inn og leggur hann á Hildi sem á skot rétt fram hjá markinu. Ég hélt að þessi væri á leið inn! Hildur kallaði hátt á Hlín og fékk boltann í góðri stöðu. Vel gert!

Hlín með stórhættulega fyrirgjöf en Sandra María hittir ekki boltann. Þarna hefðum við hæglega getað tvöfaldað forystuna!

Þær norsku við það að komast í dauðafæri og ég hélt persónulega að þær væru að fara að jafna en Cecilía notar sína löngu faðma til að ná boltanum. Ansi auðvelt hvernig þær spiluðu sig í gegnum okkur í þessu tilfelli.

Framhaldsskólakrakkarnir í rauðu búningunum hafa aftur kveikt á hátalara sínum og eru núna að spila einhverja teknó tónlist. Er enginn að vinna hérna?

Varnarmenn Noregs eru alls ekki sannfærandi. Við verðum að nýta okkur það.

Sveindís hefnir sín og klobbar núna varnarmann Norðmanna. Á svo fyrirgjöf sem Fiskerstrand kemst í. Sveindís er í stuði!

Alexandra með ömurlega sendingu og Frida Maanum er komin í góða stöðu. Reynir skot sem leit ágætlega út fyrst en það fer yfir markið.

Karólína reynir hér skot fyrir utan teig en það fer í varnarmann. Það var alvöru kraftur í þessu skoti.

Maður hefur oft hugsað að það vanti upp á hjá Sveindísi á síðasta þriðjungi en þetta var algjörlega í hæsta klassa.

Það eru nokkrir íslenskir stuðningsmenn í stúkunni sem fögnuðu þessu marki mjög vel.

Voru byrjuð að spila Sweet Caroline í stúkunni áður en Sveindís skoraði. Það er núna búið að slökkva á því. Jess!

Þetta er ógeðslega skrítið. Ætlar enginn að taka hátalarann af þessu liði í stúkunni? Eru núna að spila 'Walking on sunshine'. Það er eins og þau séu í dimmiteringu. Líður pínu eins og ég sé á handboltaleik.

Sveindís klobbuð og norsku stuðningsmennirnir taka andköf. Róa sig.

Það eru einhverjir norskir jólasveinir í stúkunni með hátalara. Mjög furðulegt. Eru bara að spila tónlist á meðan leikurinn er í gangi.

Þær liggja tvær eftir hjá Noregi, þar á meðal Fiskerstand í markinu, en þær standa svo báðar upp.

Ísland komið í fína stöðu hinum megin! En Sandra María sendir boltann á Hlín sem var svona tveimur metrum fyrir innan. Þarna átti Sandra að lesa boltann betur.

Hættulegur bolti inn á teiginn en Cecilía er stór og kýlir boltann.

Þær norsku með enn eina fyrirgjöfina og Natasha skallar boltann... í átt að marki Ísland. Fer sem betur fer yfir. Þetta var klaufalegt. Noregur fær hornspyrnu.

Sveindís með fína sendingu upp í hornið og Sandra María er einfaldlega sterkari, en hún er dæmd brotleg. Þarna verð ég bara að óska eftir meiri gæðum frá dómara leiksins, sem kemur frá Spáni.

Frida Maanum komin í ágætis stöðu og lætur vaða en skotið er hörmulegt og aldrei líklegt.

Það eru einhverjir norskir krakkar búnir að raula sama lagið stanslaust í fjórar mínútur. Mega endilega fara að lækka í sér.

Enn reyna þær norsku að senda fyrir en Cecilía grípur inn í.

Graham Hansen fær boltann fyrir og á hættulega fyrirgjöf sem fer þó í gegnum allan pakkann. Svo kemur annar bolti inn á teig sem Glódís skallar í burtu.

Sandra María er að spila fremst sem er áhugavert. Eins og við höfum farið vel yfir í Uppbótartímanum, nýju hlaðvarpi um kvennaboltann, þá líður henni nú yfirleitt best á kantinum. Verður örugglega eitthvað flæði í þessu.

Þá rúllum við af stað! Ísland spilar í gráum varabúningum. Nýi EM-búningurinn hjá Íslandi verður ekki notaður fyrr en á EM, en á meðan er Noregur að frumsýna EM-búninginn sinn í dag.

Liðin komin út og þjóðsöngvar að baki. Þjóðadeildarstefið er alltaf gæshúð. Við förum að byrja þetta. Áfram Ísland!

Það er svolítið furðulegt að það er bara enginn mín megin í stúkunni. Allir áhorfendurnir eru hinum megin og það er afar fámennt í fjölmiðlastúkunni.

Þetta eru virkilega öflugir leikmenn sem spila í sterkum liðum. 1. Cecilie Fiskerstrand (Fiorentina) 4. Tuva Hansen (Bayern München) 5. Guro Bergsvand (Brighton) 7. Ingrid Engen (Barcelona) 8. Vilde Bøe Risa (Atletico Madrid) 10. Caroline Graham Hansen (Barcelona) 13. Thea Bjelde (Vålerenga) 14. Ade Hegerberg (Lyon) 16. Mathilde Harviken (Juventus) 17. Celin Bizet Ildhusøy (Manchester United) 18. Frida Maanum (Arsenal)

Það er ekki komið sumar í Noregi. Það er ískalt hérna.

Við unnum síðast leik í Póllandi þann 16. júlí á síðasta ári. Sveindís Jane Jónsdóttir skoraði markið í þeim leik í 0-1 sigri. Síðan þá hafa úrslitin verið svona: Bandaríkin 3 - 1 Ísland Bandaríkin 3 - 1 Ísland Kanada 0 - 0 Ísland Danmörk 2 - 0 Ísland Sviss 0 - 0 Ísland Frakkland 3 - 2 Ísland Ísland 0 - 0 Noregur Ísland 3 - 3 Sviss

Niðurstaðan var markalaust jafntefli þegar þessi tvö lið mættust á Þróttaravelli á dögunum. Íslenska liðið var að mínu mati sterkara í þeim leik og þær voru bara klaufar að vinna ekki. Nokkrum dögum síðar spiluðu stelpurnar okkar við Sviss og gerðu 3-3 jafntefli, en leikurinn við Noreg var talsvert betri. Við þurfum að byggja ofan á þeirri frammistöðu í dag og skora eins og eitt mark.

Það er mjög drungalegt og kalt. Búið að rigna mikið í allan dag. Er ekki örugglega betra veður heima á Íslandi?

Íslenska liðið er mætt á undan því norska í upphitun. Það er rosa fámennt á vellinum þegar 45 mínútur eru í leik. Það er pláss hérna fyrir um 20 þúsund manns en samkvæmt mínum upplýsingum hefur miðasala gengið illa.

Það var nú eitthvað talað um það í norskum miðlum í dag að það ætti að henda stórstjörnunni Ödu Hegerberg á bekkinn, en hún byrjar hér í dag og er með fyrirliðabandið. Caroline Graham Hansen, ein allra besta fótboltakona í heimi, byrjar líka í dag. Þessar tvær voru ekki með á Íslandi.

Glódís Perla Viggósdóttir snýr aftur í byrjunarlið Íslands og er auðvitað með fyrirliðabandið. Hún var meidd í síðasta landsleikjaglugga. Það er athyglisvert að það eru í raun fjórir miðverðir í vörninni. Ingibjörg og Glódís eru í hjartanu og svo eru Guðrún Arnardóttir og Natasha Anasi í bakvörðunum. Sandra María Jessen fær þá tækifæri í byrjunarliðinu en hún hefur leikið frábærlega með Þór/KA að undanförnu og skorað sex mörk í síðustu þremur leikjum.

Það eru um tíu mínútur í að byrjunarliðin verði gerð opinber.

Það er um einn og hálfur tími í leik og það er grenjandi rigning hér í Þrándheimi. Völlurinn lítur frábærlega út og við ættum að geta fengið mjög skemmtilegan fótboltaleik við þessar aðstæður.

Þetta er lagið til þess.

Það er rúmir sjö klukkutímar í leik en það er undirbúningur hafinn á vellinum, það er verið að slá hann og svo er búið að kveikja á skjánum. Gott útsýni út um hótelgluggann hjá mér.

Áslaug Munda Gunnlaugsdóttir var að útskrifast frá Harvard háskólanum í Bandaríkjunum og er því ekki með í dag. Áslaug Munda verður 24 ára í næstu viku og á að baki 20 A-landsleiki. Hún hefur verið mikið frá síðustu ár vegna höfuðmeiðsla. Hún mun koma til móts við landsliðið á Íslandi og verður til taks fyrir leikinn gegn Frakklandi næsta þriðjudag.

1. Frakkland, 12 stig 2. Noregur, 4 stig 3. Ísland, 3 stig 4. Sviss, 2 stig Ef við endum í neðsta sæti, þá föllum við beint niður í B-deild en ef við endum í þriðja sæti þá förum við í umspil um að halda sæti okkar. Ef við endum í öðru sæti, þá höldum við sæti okkar í A-deild.

Þorsteinn Halldórsson, landsliðsþjálfari, hefur þurft að gera tvær breytingar á hópnum eftir að hann valdi upprunalega hópinn. Emilía Kiær Ásgeirsdóttir og Amanda Andradóttir meiddust en inn í hópinn komu Arna Eiríksdóttir og Fanndís Friðriksdóttir. Fanndís spilaði síðast með landsliðinu árið 2020 en hún gæti spilað sinn 110. landsleik í þessu verkefni. Hún hefur verið að spila vel með Val.

Noregur hefur endurheimt sína stærstu stjörnu fyrir leikinn gegn Íslandi í dag. Caroline Graham Hansen, leikmaður Barcelona, snýr aftur í hópinn eftir meiðsli. Við þurfum að hafa góðar gætur á henni.

Útsýnið á efri hæðum Scandic Lerkendal hótelsins er skemmtilegt. Hér getur undirritaður bara horft beint út á hinn sögufræga Lerkendal leikvang sem hýst hefur marga stóra fótboltaleiki í gegnum tíðina og á morgun spilar íslenska kvennalandsliðið hér við Noreg í Þjóðadeildinni. En fyrsti leikurinn sem kemur upp í hugann þegar maður horfir hér úta, það er án efa leikur Rosenborg og Vals í forkeppni Meistaradeildarinnar þann 18. júlí 2018.

Hvernig er staðan á leikmannahópnum fyrir þetta áhugaverða verkefni? Hægt er að rúlla yfir það með því að skoða þessa frétt.

Landsliðskonan vinsæla Sveindís Jane Jónsdóttir gekk á dögunum í raðir Angel City í Bandaríkjunum. Þetta voru skipti sem komu nokkuð mikið á óvart. Hún hefur síðustu ár verið á mála hjá Wolfsburg í Þýskalandi en hefur nú nýjan kafla í borg englanna í Bandaríkjunum í sumar. Þetta er áhugaverð. Sveindís settist niður með fréttamanni Fótbolta.net í Þrándheimi í Noregi í dag og ræddi þar betur um þessi áhugaverðu skipti. Sveindís gerði einnig upp tímann hjá Wolfsburg og ræddi auðvitað um landsliðið líka.

Fréttamaður Fótbolta.net kom hér til Noregs á miðvikudag og hefur rætt við leikmenn og þjálfara íslenska liðsins síðustu daga. Hér fyrir tenglar á öll viðtölin sem hægt er að skoða fyrir þennan áhugaverða leik.

Það spyrja sig líklega einhverjir að því. Í stuttu máli þá skiptir það máli að ná í góð úrslit því Þjóðadeildin tengist inn í undankeppni HM. Ef við höldum okkar í A-deild þá verða möguleikarnir okkar meiri á að komast á HM í Brasilíu. Ég skrifaði frétt um þetta í gær sem má skoða með því að smella á tengilinn hér fyrir neðan.

Stelpurnar komu saman í Þrándheimi síðasta mánudag og hafa verið að æfa hér í borginni síðustu daga. Í gær æfðu þær á keppnisvellinum, Lerkendal, sem er heimavöllur Rosenborg.

Verið velkomnir kæru lesendur í beina textalýsingu frá Lerkendal í Þrándheimi þar sem Ísland spilar við Noreg í Þjóðadeild kvenna. Hér verður fylgst með öllu sem gerist í leiknum.