SKÝRSLAN: HK sótti öflug þrjú stig suður með sjó
Hvað réði úrslitum?
HK skoraði tvö mörk snemma sem tók alla pressu af þeirra herðum. HK leiddi með tveimur í hálfleik sem lítið gerðist annað en þessi tvö mörk. Keflavík mættu kraftmeiri í seinni hálfleikinn en boltinn vildi bara ekki inn hjá þeim. Þeir ýttu liðinu sínu ofar sem skapaði mikið pláss á bakið fyrir HK að vinna með. HK fékk sín færi og innsigluðu á endanum góðan sigur alveg í restina með góðri skyndisókn.
Bestu leikmenn
1. Jóhann Þór Arnarsson
Lék gölmu félagana grátt í kvöld. Skoraði tvö mörk og var sífellt að ógna á bakvið vörn Keflavíkur með flottum hlaupum.
2. Þorsteinn Aron Antonsson
Fær þetta fyrir hönd varnarleiks HK. Gestirnir vörðust gríðarlega vel og þar sem Þorsteinn Aron var sá sem slapp við spjaldið aftast fær hann nafnbótina í verðlaun.
Atvikið
Fjögura mínútna kafli í fyrri hálfleik drepur leikinn fyrir heimamenn. Tvö mörk sem var ekki aftur snúið úr.
Hvað þýða úrslitin?
HK fer í átta stig upp í 6.sætið og eru þar stigi á eftir Keflvíkingum í 5.sætinu.
Vondur dagur
Gabríel Aron Sævarsson - Eftir frábæra byrjun á mótinu þá fann hann sig enganveginn í kvöld og var kippt af velli í hálfleik. Hef þó engar áhyggjur af öðru en hann verði mættur aftur brattari en áður í næstu umferð gegn nágrönnunum í Grindavík.
Dómarinn - 6
Ekki gallalaust og heilt yfir bara ágætt. Dómarateymið er ekki ástæðan fyrir því hvernig fór hér í kvöld.