SKÝRSLAN: Vítaklúður í uppbótartíma í Keflavík
Hvað réði úrslitum?
Bæði liðin fengu færin í byrjun leiks en síðan tóku Þórsarar yfir leikinn og voru betri aðilinn í svona 60 mínútur. Keflavík komst yfir frekar gegn gangi leiskins. Þór lét það ekki á sig fá og svaraði með marki 10 mínútum fyrir hálfleik. Þórsarar komu inn í síðari hálfleikinn gíraðir og komust yfir vderðskuldað en eftir það tóku Keflavík yfir leikkinn og náðu að jafna og fengu víti í uppbótartíma sem fór forgörðum. Alveg hægt að réttlæta að jafntefli hafi verið sanngjörn niðurstaða úr því sem komið var.
Bestu leikmenn
1. Sigfús Fannar Gunnarsson (Þór)
Mér fannst Sigfús besti maður vallarins. Alltaf hættulegur þegar hann fær boltann, óheppinn að skora ekki í fyrri hálfleik. Skoraði annað mark Þórs eftir frábæran sprett.
2. Muhamed Alghoul
Þrátt fyrir vítaklúðrið undir lokin þá verð ég bara að setja Muhamed í þennan reit. Lagði upp bæði mörk Keflavíkur í kvöld og er með rosalega spyrnutækni.
Atvikið
Vítaklúðrið verður að fara hingað inn - Muhamed Alghoul sem fékk tækifæri að tryggja Keflavík öll þrjú stigin en rann á vítapunktinum og setti boltann yfir.
Hvað þýða úrslitin?
Bæði liðin fá plús einn á töfluna og sitja í fimmta og sjötta sæti deildarinnar. Keflavík er í 6.sæti með 19.stig. Þór er í fimmta sæti deildarinnar með 24.stig, fimm stigum á eftir toppliði Njarðvíkur.
Vondur dagur
Stefán Jón Friðriksson - Leit ekki vel út í öðru marki Þórs og var fljótlega eftir það tekinn útaf.
Dómarinn - 5
Allt í lagi ekki gott - Flautaði lítið en þegar hann flautaði þá var það oft bara eitthvað bull. Vítaspyrnudómurinn umdeildur undir lokin. Undirritaður væri til að sjá þetta aftur.