Dynjandi lófaklapp! Langþráður íslenskur sigur.

Eggert Aron með skot framhjá.

Eftir að hafa leikið sex mótsleiki í röð án sigurs er mögulega að koma þrjú stig í hús hér...

Gestirnir að sækja og það fer aðeins um fólk í stúkunni. Ísland hreinsar á endanum í innkast.

Fabio Lohei í liði Lúxemborgar með sendingu inn í teiginn sem Lúkas handsmar auðveldlega.

Benoný Breki með frábæra móttöku og vippar boltanum í þverslána! Hefði nánast gert út um þennan leik.

Farið í bakið á Hlyni en hann stendur fljótt upp og jafnar sg á þessu.

Hinrik Harðarson gerir atlögu að marki eftir sendingu Jóa Bjarna en Margato mætir út úr teignum og skallar boltann í innkast.

Baldur Kári kom sér inn í teiginn og átti skot rétt framhjá.

Benoný kemst einn gegn markverði en aðstoðardómarinn frá Belfast lyftir flagginu. Rangstaða.

Samkvæmt tölfræði UEFA hefur Ísland átt miklu fleiri marktilraunir en Lúxemborgarar. Sú ellefta hjá Íslandi bættist við meðan ég var að skrifa þessa færslu. Benoný skallaði yfir.

Miguel Goncalves með skot sem fer af varnarmanni og yfir. Þriðja horn Lúxemborgara í röð...

Gestirnir fá tvær hornspyrnur í röð...

Clayton Irigoyen í liði heimamanna með lipur tilþrif. Þeir geta verið ansi sprækir í sóknaraðgerðum sínum Lúxemborgarar. Það eru hreyfingar á bekknum hjá Íslandi, skiptingar á næsta leyti...

Margato hefur nóg að gera í markinu og nær að slá þennan bolta yfir. Ísland fær hornspyrnu.

Ísland í stórhættulega sókn, nánast þrír gegn einum. Haukur Andri rennir boltanum á Benoný sem á skotið en Margato nær að verja. Jóhannes nær frákastinu en aftur ver Margato!

Þarna átti Ísland að taka forystuna!

Rosalega hátt hlutfall frægra af heildarfjölda áhorfenda.

Baldur Kári vinnur horn fyrir Ísland. Jói Bjarna tekur spyrnuna og Benoný nær skalla á markið en beint á Margato markvörð.

Okkar strákar þurfa að spýta í lófana, ekkert annað en sigur kemur til greina í þessum leik í dag!

Í allri "Frægir í stúkunni" flóðbylgjunni hjá mér gleymi ég að nefna Hákon Arnar Haraldsson sem er hérna rétt við fréttamannastúkuna. Nú er búið að bæta úr því. Bróðir hans, Haukur Andri, er auðvitað að spila með U21 liðinu.

Tók smá rúnt í hálfleik og það eru svo sannarlega fleiri frægir í stúkunni. Daði Berg, Víkingur og fyrrum Vestramaður, er mættur. Máni Pétursson er að sjálfsögðu að láta gamminn geysa. Jökull Þorkelsson blaðamaður Morgunblaðsins er í kaffi og sígó í hálfleik.

Marktilraunir: 4-2
Hornspyrnur: 2-1
Rangstöður: 2-2
Spjöld: 0-0

Barátta í teig Lúxara en á endanum dæmt sóknarbrot á Hilmi.

Íslenska liðið er mun líklegra til að bæta við en heimamenn að jafna. Benoný komst í hættulega stöðu, ætlaði að renna boltanum á Hilmi en varnarmaður gestaliðsins komst á milli.

Haukur reynir sendingu inn í teiginn en hittir boltann illa og hann flýgur afturfyrir endamörk, þó ekki alheimsins.

Jóhannes Kristinn Bjarnason tekur skot eftir hættulega sókn Íslands en Margato ver í hornspyrnu.

Lúkas Petersson markvörður að leika sér að eldinum, pressan sett á hann þegar hann er með boltann. Gestirnir vinna knöttinn en svo er dæmd rangstaða.

Haukur Andri Haraldsson kemst í hættulega stöðu og á skot í teignum, boltinn af varnarmanni og afturfyrir. Fyrsta hornspyrna Íslands. Hornspyrnan skapar hættu en á endanum liggur markvörður Lúxara niðri og þarf aðhlynningu.

Lúxemborg tók hornspyrnuna stutt og það klúðraðist algjörlega, endaði með því að íslenska liðið fékk skyndisókn þar sem Benoný Breki fékk hættulega sendingu og skaut yfir. Flaggið fór á loft. Dæmd rangstaða.

Gestirnir með fyrirgjöf sem Baldur Kári skallar afturfyrir. Lúxemborg á fyrstu hornspyrnu leiksins.

Lúxararnir eitthvað lítillega að hnykkla vöðvana, Videira reynir að komast framhjá Loga Hrafni en Logi verst vel.

Hilmir Rafn Mikaelsson með fínasta snúning og nær nokkuð föstu skoti en beint á Margato. Ísland aðeins að stíga á bensíngjöfina.

Eggert Aron með flotta sendingu. Baldur Kári kemst í ljómandi fína stöðu og á skot en beint á Margato markvörð gestaliðsins.

Það er ekki eðlilega heitt hérna í fréttamannastúku Þróttar, búið að kynda vel upp í þessu. Af leiknum er að frétta að það er tíðindalaust fyrstu mínúturnar. Köllum þetta þreifingar.

Lúxararnir sækja í átt að Húsdýragarðinum í fyrri hálfleik. Góða skemmtun!

Hef alltaf verið mikill aðdáandi þjóðsöngs Lúxemborgar. Fallegur og með góða uppbyggingu.

Aðstoðarlandsliðsþjálfarinn Davíð Snorri mættur að fylgjast grannt með. Leikmenn eiga sér að sjálfsögðu drauma um að komast upp í A-landsliðið svo nú er tækifæri til að sýna sig og sanna.

+
Að sjálfsögðu með City trefilinn og KR derruna.

Formaðurinn sjálfur Þorvaldur Örlygsson er að sjálfsögðu mættur, Bjarni Guðjónsson fær sér sæti á besta stað enda sonur hans í byrjunarliðinu, Páló mætti með nesti og Ólafur Garðarsson umboðsmaður spjallar við Þórarin Dúa á meðan vallarþulurinn kynnir liðin.

Ástæðan einföld. Laugardalsvöllur er eini völlur landsins sem er með nægilega góð flóðljós svo þau standist kröfur UEFA. Hér á Íslandi erum við meira að vinna með "Það er ódýrara að vera með lélegt svo við verðum með lélegt". - Þess vegna þarf að spila leikinn þetta snemma.

Ólafur Ingi Skúlason gerir tvær breytingar frá markalausu jafntefli gegn Sviss á föstudag. Jóhannes Kristinn Bjarnason og Hilmir Rafn Mikaelsson koma inn í byrjunarliðið. Róbert Frosti Þorkelsson og Helgi Fróði Ingason setjast á bekkinn.

Þrír utan hóps
23 eru í íslenska hópnum en aðeins 20 fá að vera á skýrslu. Þrír leikmenn þurfa því að bíta í það súra epli að vera utan hóps. Það eru Arnar Daði Jóhannesson markvörður úr Aftureldingu og þeir Júlíus Mar Júlíusson og Amin Cosic úr KR.

Eggert Aron Guðmundsson, leikmaður U21 landsliðsins og Brann í Noregi, sagði í samtali við Fótbolta.net í gær markmiðið fyrir leikinn vera skýrt.

„Síðasti gluggi var smá vonbrigði en sterkt stig úti í Sviss núna. Þetta er mikilvægur leikur og við stefnum á þrjú stig. Lúxemborg er með hörkulið reyndar en ef við spilum vel þá vinnum við leikinn.“

„Ég tel okkur vera með mjög gott lið, við eigum mikið inni. Við ætlum að sýna það á morgun gegn Lúx hversu góðir við erum,“ sagði Eggert.

Benóný Breki Andrésson, leikmaður U21 landsliðsins og Stockport, hafði sömu sögu að segja þegar Fótbolti.net ræddi við hann í gær.

„Við erum búnir að fara vel yfir þá, við vitum alveg hvað við þurfum að gera. En við ætlum að rúlla yfir þá á morgun.“

Kári Snorrason fréttamaður Fótbolta.net ræddi við tvo leikmenn Íslands fyrir æfingu liðsins í gær; Eggert Aron og Benoný Breka.

   13.10.2025 11:53

„Aftur sami Eggert Aron sem að fólk þekkir“

   13.10.2025 12:15

Líður vel í Stockport - „Draumur frá því að maður var lítill“

Ólafur Ingi Skúlason, þjálfari U21 landsliðsins, ræddi við Fótbolta.net fyrir æfingu liðsins í Laugardalnum í gær og fékk fyrst spurningu um hvort ekki væri gerð krafa á að vinna Lúxemborg?

„Jú það er klárt. Við þurfum á sigri að halda. Við verðum hreinlega að ná í þrjú stig," svaraði Ólafur.

„Við áttum ekki góðan glugga stigalega séð síðast. Ég þekki þessa stráka mjög vel og mér finnst við enn eiga mikið inni. Við þurfum að búa til fleiri sénsa og skapa fleiri færi. Á sama tíma ekki vera brothættir aftast. Við þurfum að finna þetta jafnvægi."

„Lúx eru með mjög sóknarsinnað lið. Sterkir sóknarlega og gott fótboltalið. Ég hugsa að þetta verði alveg fram og til baka. Það munu koma móment þar sem þeir verða meira á boltanum og öfugt. Við þurfum að hafa tempó í okkar sóknarleik og vera beinskeyttir á síðasta þriðjungi. Ég vil sjá hungur í að komast í góðar stöður, fylla teiginn vel og klára."

Eftir fyrstu leikina í riðlinum, er einhver breyting á markmiðum liðsins?

„Nei við erum enn að horfa í annað sætið. Þá þurfum við þrjú stig á morgun, það er klárt. Við erum galvaskir áfram í að stefna á þetta annað sætið."

   13.10.2025 11:45

Ólafur horfir enn á 2. sæti riðilsins - „Verðum hreinlega að fá þrjú stig“

Keppt er í undankeppni EM U21 liða. Ísland er án sigurs í riðlinum, tapaði gegn Færeyjum en gerði svo jafntefli gegn Eistland og Sviss. Liðin í riðlinum eru búin með mismarga leiki en Færeyjar eru á toppnum þrátt fyrir skell gegn Frakklandi í síðustu viku.

1. Færeyjar 9 stig eftir 4 leiki
2. Frakkland 6 stig eftir 2 leiki
3. Sviss 4 stig eftir 2 leiki
4. Ísland 2 stig eftir 3 leiki
5. Eistland 2 stig eftir 4 leiki
6. Lúxemborg 1 stig eftir 2 leiki

   14.10.2025 07:35

U21 riðill Íslands: Frakkar skorað tólf mörk í tveimur leikjum

Íslenska liðið gerði markalaust jafntefli gegn Sviss á föstudaginn.

Sviss U21 0 - 0 Ísland U21
Lestu um leikinn

Það er komið að heimaleik hjá U21 landsliði Íslands gegn Lúxemborg á Þróttarvelli. Dómarateymi frá Norður-Írlandi dæmir leikinn og mun Ben McMaster flauta á klukkan 15:00.