SKÝRSLAN: Stálheppnar Valskonur rétt náðu að sigla sigrinum á nýliðunum heim
Hvað réði úrslitum?
Veistu ég ætla held ég bara að setja þetta á heppni. Það var eiginlega bara algjör heppni að Valur náði að sigra nýliðanna Grindavík/Njarðvík 2-1 á Hlíðarenda í dag. Nýliðarnir voru í raun betra liðið inn á vellinum og áttu mun fleiri færi. Kellet markmaður nýliðanna gaf þeim fyrsta markið á silfurfati með því að sparka boltanum í Arnfríði Auði. Ísabella Sara var síðan seig þegar hún komst óvænt ein í gegn og tryggði Valskonum sigurinn.
Bestu leikmenn
1. Natasha Anasi
Að öðrum ólöstum í liði Grindavíkur/Njarðvíkur þá var Natasha frábær í dag. Það sást að hún er reynslumesti leikmaður liðsins og miðlaði því vel til liðsins. Ellie Coffield átti einnig frábæra spretti inn á miðjunni ásamt Ásu og Rakel á köntunum.
2. Arnfríður Auður Arnarsdóttir
Hjá Val var Arnfríður Auður, Aufí klárlega ljósasti punkturinn. Hún pressaði vel á Kellet í markinu og uppskar með því fyrsta mark leiksins. Ísabella Sara gerði vel í markinu en annars var lítið að frétta hjá Val.
Atvikið
Ég veit hreinlega ekki hvaða atvik ég á að velja! Fyrsta markið? Seinna markið hjá Val sem kom þvert gegn gangi leiksins? Vítaspyrnu sem var sleppt í lokin? Eða beina rauða spjaldið sem Teater fær á síðustu mínútunni fyrir að toga í hárið á Kimberley?
Allt ég vel allt!
Hvað þýða úrslitin?
Úrslitin þýða það að Valur er eftir þessa fyrstu umferð í 2. sæti með þrjú stig og +1 í markatölu. Grindavík/Njarðvík hins vegar sitja í 8. sætinu með -1 í markatölu.
Vondur dagur
Kellet gerir hræðileg mistök í fyrsta markinu en var annars nokkuð solid! Verð síðan eiginlega að nefna Maci Nicole Teater sem átti góðan leik en tekur síðan þá fáránlegu ákvörðun að rífa í hárið á Kimberly á síðustu mínútu uppbótatíma. Uppskar fyrir það beint rautt spjald og væntanlega 2 leikja bann! Það er virkilega vont fyrir nýliðanna!
Dómarinn - 5
Þetta var svona bara þokkalegur leikur hjá dómarateyminu, hins vegar fannst mér þeir klárlega hafa átt að dæma vítaspyrnu undir lok leiksins þegar Málfríður Anna fær boltann í hendina inn í teignum.