SKÝRSLAN: Jafntefli - sanngjörn úrslit
Hvað réði úrslitum?
Erin var vel vakandi þegar fyrirliði FH féll. Hún lagði boltann snyrtilega framhjá Aldísi sem var illa staðsett.
Bestu leikmenn
1. Arna Sif og Hulda Björg
Stóðu vaktina í miðri vörn heimaliðsins og áttu í fullu tréi við sterka miðju og sókn gestanna. Stigu varla feilspor.
2. Ída og Thelma Hermannsdætur
Þær báru uppi sóknarleik FH þegar eitthvað var að gerast.
Atvikið
Fall fyrirliðans og misreikningur markmanns FH á lokamínútu venjulegs leiktíma sem varð að jöfnunarmarkinu.
Hvað þýða úrslitin?
Úrslitin þýða skv. spá fyrir sumarið, 2 töpuð stig fyrir FH en sterkt stig og ósigraðar á heimavelli fyrir Þór/KA
Vondur dagur
Þetta var vondur dagur hjá FH að halda ekki út. Þær fóru í hlutlausan gír í seinni hálfleik í stað þess að halda áfram þar sem frá var horfið í þeim fyrri.
Dómarinn - 8
Eiginlega ekkert vafaatriði sem skipti máli. Var ákveðinn og lét leikinn fljóta vel. Samkvæmur sjálfum sér.