SKÝRSLAN: Halda sér á toppnum og gleðileg innkoma
Hvað réði úrslitum?
Vítaspyrnan og markið sem það skilaði réði úrslitum í kvöld. Eftir að Sigurður Egill skoraði úr henni var mjög ljóst hvert stigin ætluðu.
Bestu leikmenn
1. Aron Snær Ingason
Það gera margir tilkall til en Aron Snær fær þetta, fiskar vítið og skorar síðan síðasta markið eftir að hafa spilað virkilega vel og af fullum krafti. Frábær leikur hjá honum
2. Adam Árni Róbertsson
Velkominn tilbaka segi ég nú. Trúi því samt alveg að hann sé ósáttur að hafa ekki gert ennþá meira, fékk helling af færum og skapaði mikið eftir að hann kom inná.
Atvikið
Innkoma Adams Árna Róbertsson er bara BRAVÓ stuff! Rölti inná teiginn eftir skiptinguna, boltinn í átt að honum og skallinn inn 2-1. Fyrsta snerting hans í Lengjudeildinni með Þrótti í netinu.
Hvað þýða úrslitin?
Þróttur heldur í toppsætið með þessum endurkomu sigri en Ægir mistekst að koma sér úr fallsæti og er ennþá í næst neðsta sæti Lengjudeildarinnar
Vondur dagur
Seinni hálfleikur Ægis er vonda dagsefni í kvöld. Eftir mjög "solid" fyrri hálfleik fer allt á verri hlið í seinni og þeir sáu nánast aldrei til sólar eftir vítaspyrnu markið. Ekki eitthvað sem þeir vilja meira af en geta tekið eitthvað úr fyrri hálfleik í fallbaráttuna sem blasir við þeim um þessar mundir.
Dómarinn - 5
Ég er á báðum áttum, það var nóg um að vera og vítadómurinn spilaði stórt hlutverk. Mikill pirringur í mönnum og brot um allan völl.