Liðin sitja í 7. og 10. sæti deildarinnar. Stjarnan er með ellefu stig eftir ellefu spilaði leiki en ÍBV er með átta stig eftir tíu leiki. ÍBV hefur unnið tvo mjög sannfærandi sigra í röð en Stjarnan fór í þjálfarabreytingu eftir slæmt gengi fyrir síðasta leik sem endaði svo með 4-4 jafntefli. Jón Þór Hauksson stýrir í dag sínum fyrsta útileik sem þjálfari Stjörnunnar.

Jóhann Árni Gunnarsson fékk sitt fjórða gula spjald gegn Breiðabliki í síðustu umferð og verður því ekki með Stjörnunni vegna leikbanns. Aðstoðarþjálfarinn Hrannar Bogi Jónsson fékk að líta rauða spjaldið gegn Blikum og tekur einnig út leikbann.

Góðan daginn lesendur góðir og verið þið velkomnir í beina textalýsingu frá leik ÍBV og Stjörnunnar í 11. umferð Bestu deildar karla. Leikurinn hefst klukkan 18:00 og fer fram á Hásteinsvelli í Vestmannaeyjum.