Kaflaskiptum leik lokið með sigri Valsmanna.

Valur fær horn frá vinstri. Þórsarar hreinsa.

Eins og ég sagði fyrir leik þá vilja bæði lið 3 stig og það er að sýna sig núna. Sóknir á vixl

Þórsarar fá horn frá vinstri sem Valsmenn ná skyndisókn sem Vilhelm kemst fyrir

Þór fær skyndisókn sem Valsarar bjarga í horn vinstra megin. Einar tekur á fjær, skallað frá og Þórsarar ná skoti og fá annað horn

Einar tekur hornið á fjær þar sem Affi skallar framhjá

Ragnar er settur í senterinn enda á hann stutt að sækja markaskorunina.

Lúkas Logi reynir skot en beint á Aron

Valsmenn eru að vakna upp við vondan draum og pressa Þórsarana núna.

Boltinn kemur á nær þar sem skallað er frá en beint á Valsara sem á skot úr þvögu á markið en Ási bjargar á línu. Þórsarar bægja hættunni frá

Tryggvi fær boltann inni í teig og tekur viðstöðulaust en framhjá

Jakob Franz fær boltann við eigin vítateig og rýkur upp völlinn alveg að vítateig þar sem hann á laust skot að marki

Þór fær aukaspyrnu nálægt hliðarlínu hægra megin en Valur hreinsar og nær svo að losa pressuna

Tryggvi vinnur boltann og stingur inn fyrir á Stöle en Ási vinnur boltann af honum og fer af stað. Stöle rífur hann niður en ekkert spjald. Það er eins og dómarinn hafi það markmið að spjalda ekki

Skoglund vinnur boltann og leggur á Veldman sem á skot yfir

Skot yfir markið

Aukaspyrna rétt utan teigs vinstra megin. Tryggvi stillir upp.

Þór fær aukaspyrnu fétt utan teigs hægra megin. Einar og Vilhelm gera sig líkleag. Einar tekur skot á nær en framhjá

Ingimar fer í senterinn en Greko dettur aðeins aftar

Ein mínúta í uppbótartíma fyrri hálfleiks. Valsmenn hafa haft töglir og hagldir hér á Þórsvellinum og pressað heimamenn nánast allan hálfleikinn. Sanngjörn forysta í hálfleik

Einar vinnur boltann af Lúkasi Loga og keyrir upp, sendir á Ágúst sem kemst upp að endalínu og leggur boltann inn í teiginn en þar er enginn mættur og Valsmenn hreinsa.

Skoglund vinnur boltann, kemur honum á Lúkas Loga sem sendir á Tryggva sem á skot yfir markið

Fyrsta almennilega pressan frá heimamönnum, ná að halda Völsurum inni í teig í dágóða stund og endar með skoti frá Bjarna en framhjá

Mikið klafs við hliðarlínu sem endar á því að Valur fær aukaspyrnu við litla hrifningu stuðningsmanna Þórs, enda var Greko sparkaður niður þegar hann hafði unnið boltann.

Lúkas Logi reynir skot utan teigs en Aron ver auðveldlega

Smá stopp vegna höfuðmeiðsla Harðar Inga

Hörður Ingi á skot langt, langt framhjá

Vilhelm á skot/sendingu rétt framhjá fjær stöng

Eftir gott spil Þórsara rétt utan teigs brjóta VAlsmenn og Þór á aukaspyrnu rétt utan teigs hægra megin

Á meðan ég var að skrifa rjúka Þórsarar upp og fá sín fyrstu færi er þeir fá tvö færi til að skora en Bjarni á góðan skalla rétt framhjá eftir að hafa náð frákasti.

Sverrir með skelfilega þversendingu beint á Valsmann sem kemur á ferðinni með boltann og Tryggvi fær hann og skýtur en Aron ver vel

Valsmenn taka þríhyrning inn í teig og Tryggvi er kominn að markteig er Affi stígur hann út og hirðir af honum boltann

Greko vinnur boltann en sending hans er ónákvæm á Bjarna svo Valsmenn ná honum, krossa yfir allan völlinn á Tryggva sem hamrar á markið en rétt framhjá.

Valsmenn hreinsa innkast hátt í loftið og fram völlinn þar sem Bjarni Guðjón er einn en honum mistekst að ná valdi á boltanum, frekar klaufalegt og Tryggvi hirðir boltann af honum en missir hann aðeins of langt út á kant til að komast beint á markið. Þórsarar komast í vörn og bægja hættunni frá

Skoglund fær boltann frá Jónatan inni á markteig og á gott skot sem Aron ver og heldur boltanum

Valsmenn sparka þessu af stað

Liðin komin út á völl, sólin farin að skína og aðstæður gætu varla verið betri. Þetta verður hörku leikur.

Það er einhvað í loftinu í Þorpinu, Þór yfir 1,5 mark er á stuðlinum 2.22. Ég gef ekki mikið fyrir þetta Valslið.

— Kristalkúlan (@kristalkulan) June 28, 2026

Þjálfarar beggja liða eru undir mikilli pressu.

Siggi Höskulds þarf að fara að snúa við mjög döpru gengi Þórsara og fara að sækja stig. Þolinmæði gagnvart honum er þó nokkur en þegar illa gengur gengur hratt á hana.

Hermann Hreiðars er líka undir mikilli pressu því margir Valsmenn eru óánægðir með spilamennsku liðsins og skilja ekki hver stefnan er í spilamennsku liðsins. Hann þarf að fara að sannfæra Fjósið og aðra Valsmenn um að hann sé sá rétti til að stýra liðinu á Hlíðarenda.

Valsmenn þurfa þau þrjú stig sem eru í boði í dag til að koma sér upp að hlið Blika og þar með í alvöru Evrópubaráttu. Tap í dag þýðir að Valur er enn í miðjumoði í deildinni.

Þórsarar þurfa stigin þrjú til að koma sér upp að hlið nágrannanna hinum megin Glerár og inn í hóp liðanna sem eru þar rétt ofar. Tap í dag þýðir að bilið í öruggt sæti er enn í smá fjarlægð og það er kunn staðreynd að hvert stig skiptir miklu máli.

Jafntefli í dag eru ekki góð úrslit fyrir liðin, en þó má segja að Þórsarar, svona fyrirfram, myndu þiggja eitt stig.

Valsmenn gera einnig þrjár breytingar eftir Keflavíkurjafnteflið. Ólafur Stephensen, Kristján Kristjánsson og Jakob Franz Pálssond fá allir að prófa nýju gæðabekkina á Þórsvellinum en Hörður Ingi Gunnarsson, Markus Lund Nakkim og Lúkas Logi Heimisson koma í þeirra stað.

Eftir jafnteflið við F.H. gera Þórsarar þrjár breytingar á byrjunarliðinu. Kristófer Friðriksson fer út sem og Hermann Rúnarsson og Ingimar Kristjáns. Inn í þeirra stað koma Sverrir Páll Ingason, Greko (Christian Greko Jakobsen) og Bjarni Guðjón Brynjólfsson (verið að verðlauna hann fyrir holu í höggi (eða ekki)). Hermann og Ingimar setjast á bekkinn en Kató er utan hóps.

Í síðustu umferð gerðu bæði Þór og Valur jafntefli, Þórsarar við F.H. í botnbaráttuslag og Valsmenn við Keflvíkinga þar sem bæði lið þurftu sigur til að koma sér nær Evrópubaráttu.

Siggi Höskulds, þjálfari Þórs, gerir þrjár breytingar á sínu liði frá leiknum gegn FH. Bjarni Guðjón Brynjólfsson og Christian Greko Jakobsen snúa aftur eftir leikbann og Sverrir Páll Ingason kemur sömuleiðis inn í liðið. Hermann Helgi Rúnarsson og Ingimar Arnar Kristjánsson taka sér sæti á bekknum en Kristófer Kató Friðriksson er ekki með í dag. Sigfús Fannar Gunnarsson snýr aftur á bekkinn en Atli Sigurjónsson er ekki með. Isaac Atanga og Aron Ingi Magnússon eru fjarri góðu gamni hjá Þór.

Hemmi Hreiðars, þjálfari Vals, gerir sömuleiðis þrjár breytingar frá leiknum gegn Keflavík. Lúkas Logi Heimisson snýr aftur eftir leikbann og þeir Markus Nakkim og Hörður Ingi Gunnarsson koma einnig inn í liðið. Kristján Oddur Kristjánsson, Jakob Franz Pálsson og Ólafur Flóki Stephensen taka sér sæti á bekknum. Adam Ægir Pálsson er áfram á varamannabekknum. Birkir Heimisson, Patrick Pedersen, Kristinn Freyr Sigurðsson og Dagur Orri Garðarsson eru fjarri góðu gamni hjá Val.

Bæði Þór og Valur eru með færri stig eftir fyrri umferðina en væntingar voru um.

Valsmenn hafa ekki náð að stimpla sig í toppbaráttuna eins og margir Hlíðarendagestir vonuðust eflaust eftir. Gengið hefur verið upp og niður þrátt fyrir að þjálfarinn sjái hvern leik sem sigurleik, burtséð frá úrslitunum.

Þórsarar byrjuðu deildina vel og voru komnir með 6 stig í apríl. Lítið hefur gengið í stigasöfnun frá þeim tíma og viljinn til að snúa því sér í hag er örugglega til staðar.

Á besta degi ársins, 12. apríl, í vor heimsóttu Þórsarar Valsmenn og unnu þá 2 - 1 á Hlíðarenda. Margir spekingar hafa ýjað að því að þau úrslit voru undarleg og ósanngjörn. Í dag hafa Þórsarar það í hendi sér að afsanna þessar kenningar spekinga. Reyndar hafa Valsarar líka eitthvað að sanna því þeir vilja örugglega, aldrei þessu vant, sýna spekingunum að þeir höfðu rétt fyrir sér.