Schram bjargar Valsmönnum undir restina. Samuel Kroon er illa dekkaður og fær frían skalla en Schram ver frá honum.

Þetta var magnaður leikur hér á Hlíðarenda. Viðtöl og skýrsla væntanleg

KA fær hornspyrnu, síðasti séns

Hörður Ingi skallar boltann í þverslánna eftir sendingu frá Jónatan

Valur fær hornspyrnu

Lúkas Logi með lúmskt skot í nærhornið sem Ívar ver. Vá hvað ég sá hann inni þarna

Aukaspyrna frá Hallgrími Mar fer rétt yfir markið

Nakkim með fast skot sem Ívar ver vel. Þarna var hætta

Tryggvi með frábært skot úr aukaspyrnunni. Ívar Arnbro þarf að hafa sig allan til þess að verja þetta. Valur fær hornspyrnu en Nakkim nær ekki að skalla boltann niður

Valsmenn sundurspila KA vörnina. Tryggvi leggur hann á Jónatan sem klúðrar í frábæru færi

Guðjón Ernir fær aðhlynningu

Flott aukaspyrna hjá Tryggva. Boltinn fer í þverslánna, erfitt að meta hvort Ívar hafi verið með þetta í markinu

Valur fær aukaspyrnu á hættulegum stað

Helgi Mikael flautar til hálfleiks á Hlíðarenda. Flottur fyrri hálfleikur hjá gestunum en Chris Brazzel þarf að ræða við sína menn sem hafa ekki verið nægilega góðir. Tökum okkur fimmtán

Veldman sparkar Hallgrím Mar niður. KA fær aukaspyrnu í fínni fyrirgjafarstöðu en ekkert verður úr þessu

Einni mínútu bætt við

Jónatan keyrir upp hægri kantinn og sendir fyrir á Dag Orra. Hann nær mjög fínu skoti á markið en Ívar sér við honum

Góð sending á Dag Orra en Kári nær að komast fyrir skot hans, góð tækling

Samuel Kroon með sendingu inn á teig á Hallgrím Mar. Hann á laust skot að marki sem Adam Ægir kemst inn í og nær að pota boltanum inn. Adam er flaggaður rangstæður

Samúel Kári tekur langt innkast beint á Hólmar sem flikkar boltanum á fjærstöng. Patrick Pedersen skallar hins vegar yfir

Nakkim nær ekki til boltans í kjörstöðu. Þarna hefði Valur getað jafnað metin

Tryggvi er kominn í frábæra stöðu en hann nær ekki góðri snertingu á boltann og þá er Kári Gautason mættur. Mikilvæg tækling hjá honum í eigin teig

Stuðningsmenn KA láta heyra í sér

Birkir með fasta fyrirgjöf sem ratar á pönnuna á Patrick en hann nær ekki að stýra knettinum

Jónatan með fyrstu skottilraun leiksins, fínn undirbúningur hjá Lúkasi Loga

Liðin ganga inn á völl og Played-A-Live með Safari Duo ómar í græjunum. Áfram fótbolti!

Ég hef nákvæmlega enga trú á þessu KA liði án Hans Viktors, nógu slakir eru þeir fyrir varnarlega. -1 Valur er 1.95 á Epic.

— Kristalkúlan (@kristalkulan) August 17, 2026

Brazell, þjálfari Vals, gerir tvær breytingar frá leiknum gegn Nordsjælland. Framherjarnir Dagur Orri Garðarsson og Patrick Pedersen snúa aftur í liðið og þeir Jakob Franz Pálsson og Hörður Ingi Gunnarsson taka sér sæti á bekknum. Bjarni Mark Antonsson er ekki í leikmannahópi Vals í dag en Guðmundur Brynjar Wehmeier, sem fæddur er 2012, er á bekknum.

Hallgrímur Jónasson, þjálfari KA, gerir þrjár breytingar frá leiknum gegn FH. Hans Viktor Guðmundsson, fyrirliði KA, tekur út leikbann í dag og Birgir Baldvinsson ber því fyrirliðabandið í dag. Kári Gautason, Jeppe Pedersen og Mikael Breki Þórðarson koma inn. Valdimar Logi Sævarsson og Jakob Héðinn Róbertsson taka sér sæti á bekknum. Það vekur athygli að enginn náttúrulegur miðvörður er í liði KA í dag en líkur eru á því að þeir Guðjón Ernir og Birgir verði í hjarta varnarinnar og mögulega Andre Römer með þeim. Það kemur allt í ljós þegar flautað verður til leiks. Miðvörðurinn Markús Máni Pétursson er á bekknum ásamt Danijel Dejan Djuric sem byrjar þriðja leikinn í röð á bekknum.

Karl Ágúst Karlsson, leikmaður HK, hefur leikið vel í sumar og var fenginn til þess að spá í 19. umferðina.

Valur 2-1 KA
Kári Gauta kemur KA mönnum yfir með frábæru marki en Dagur Orri svarar og setur 2 mörk og vinnur leikinn fyrir þá.

Valsmenn unnu sinn fyrsta deildarleik undir stjórn Chris Brazzel í síðustu umferð. Fyrir sigurinn gegn Breiðabliki hafði liðið tapað fjórum deildarleikjum í röð. Valur er í 7. sæti með 22 stig og er í harðri baráttu um að enda í efra hluta deildarinnar eftir tvískiptingu. Valur tók þátt í Evrópu í sumar en féll úr forkeppni Sambandsdeildarinnar á dögunum eftir stórt tap gegn Nordsjælland.

KA hefur átt vonbrigðar tímabil. Eftir að hafa styrkt sig í vetur var stefnan sett á topp 6 á Brekkunni. Gengið hefur hins vegar verið slakt og KA situr í 11. sæti deildarinnar með 15 stig. Liðið hefur einungis unnið einn leik af síðustu 11 og staða KA hefur verið mikið í umræðunni síðustu daga.

Gengi KA hefur verið slæmt og það ætti því að vera óhætt að segja að sæti Hallgríms Jónassonar sé orðið heitt og eru háværar sögusagnir um að KA sé að líta í kringum sig.

Sparkspekingurinn Kristján Óli Sigurðsson greindi frá gróusögu að norðan á X-síðu sinni þar sem því er haldið fram að KA hafi þegar gengið frá ráðningu á manni sem taki við liðinu að tímabilinu loknu.

Fótbolti.net setti saman lista yfir átta menn sem hafa verið orðaðir við þjálfarasætið.

Helgi Mikael Jónasson dæmir leikinn. Honum til halds og trausts verða þeir Birkir Sigurðarson og Jovan Subic á flöggunum. Viðar Helgason er eftirlitsmaður KSÍ.

Heil og sæl öllsömul og verið þið hjartanlega velkomin í textalýsingu þráðbeint frá Hlíðarenda. Hér á N1-vellinum mun Valur taka á móti KA í 19. umferð Bestu deildar karla.


mánudagur 17. ágúst
18:00 Valur-KA (N1-völlurinn Hlíðarenda)
19:15 Fram-Stjarnan (Lambhagavöllurinn)