SKÝRSLAN: Völsungur vinnur og vinnur en verður það nóg?
Hvað réði úrslitum?
Seigla heimamanna. Þetta var mjög lokaður leikur framan af og mjög hart barist. Vestramenn herjuðu á köflum vel á Völsunga en þeir stóðu það af sér og svo í restina náðu þeir að setja í annan gír og klára þennan leik.
Bestu leikmenn
1. Inigo Albizuri Arruti
Albi var enn og aftur frábær í vörn Völsungs og skoraði aftur. Frá því að Albi og Elvar Baldvins sameinuðust í vörn Völsungs hefur varnarleikurinn gjörbreyst.
2. Xabi Cardenas
Xabi var enn og aftur frábær á miðjunni. Hann var útum allt og barðist eins og óður hundur. Elfar Árni á skilið að á hann sé minnst, hann skilaði sínu eins og alltaf.
Atvikið
Atvikið er að þessu sinni mjög leiðinlegt atvik. Marvin markvörður Vestra lenti í hörðu samstuði undir lok leiks og fékk þungt höfuðhögg. Hann var fluttur í burtu með sjúkrabíl en vonandi mun hann jafna sig fljótt. Batakveðjur á Marvin.
Hvað þýða úrslitin?
Völsungar eru komnir með 20 stig en ná þó ekki að komast úr fallsæti. Öll liðin eru að ná sér í stig þessa dagana þannig að sama hversu marga leika þeir grænu vinna komast þeir ekki úr fallsætinu.
Vestri eru enn með 24 stig, nú bara 4 stigum á undan Völsungi. Eru þeir að dragast í fallbaráttuna?
Vestri eru enn með 24 stig, nú bara 4 stigum á undan Völsungi. Eru þeir að dragast í fallbaráttuna?
Vondur dagur
Ibrahima Balde fékk dauðafæri í byrjun seinni hálfleiks til að koma Vestra yfir en skaut framhjá. Einnig fékk hann gult spjald og virkaði svo verulega pirraður út í allt og alla þegar það leið á leikinn.
Dómarinn - 7
7 er sanngjörn einkunn eftir samtal við ráðgjafa eftir leik.