SKÝRSLAN: Vinnur ekki marga fótboltaleiki með þessa færanýtingu
Hvað réði úrslitum?
Jafnræði var með liðunum í fyrri hálfleik og byrjuðu HK-ingar síðari hálfleikinn betur og komust yfir. Eftir jöfnunarmark Aftureldingar og með innkomu Kristins Freys tóku Mosfellingar yfir leikinn og var hreint út sagt ótrúlegt að þeim hafi ekki tekist að skora. Þegar á botninn er hvolft er það færanýting heimamanna sem olli því að liðin skildu jöfn að.
Bestu leikmenn
1. Ólafur Örn Ásgeirsson (HK)
Varði vítaspyrnu og átti margar stórar vörslur. Vel að þessu kominn.
2. Haukur Örn Brink (Afturelding)
Haukur var líflegur úti á vængnum. Skoraði frábært mark úr sókn sem hann byrjaði með því að stöðva skyndisókn HK.
Atvikið
Dauðafæri Joachim Holtan undir lok leiks. Búinn að fara framhjá Ólafi markverði HK og átti bara eftir að setja boltann í netið en honum tókst að renna boltanum framhjá. Þá á frábært mark Breka Hólm skilið að fá tilnefningu.
Hvað þýða úrslitin?
Afturelding er ekki lengur í toppsæti deildarinnar, komnir niður í það annað. Góðu fréttirnar fyrir Mosfellinga eru þær að þeir eiga leik til góða vegna bikarævintýrisins. HK-ingar færast upp í 4. sætið og eru á góðri leið með að tryggja umspilssætið.
Vondur dagur
Joachim Holtan á ekki eftir að sofa vel eftir þetta klúður sitt. Þá lét Aron Elí Sævarsson grípa vítaspyrnu frá sér.
Dómarinn - 5
Dæmir vítaspyrnu á Aron Kristófer sem mér sýndist vera rétt. Annars var línan mjög furðuleg og mikið af röngum dómum, þar á meðal um þrír rangir hornspyrnudómar.