SKÝRSLAN: Fyrirgjöf varð að marki og markspyrna varð að horni
Hvað réði úrslitum?
Valsmenn voru heilt yfir betri í leiknum og átti kannski meira skilið að vinna en Skaginn en það sem réði úrslitum var skallinn hans Baldvins þegar nokkrar sekúndur voru eftir af leiknum. Frábær skalli og dýrmætt fyrir Skagann. Í aðdragandanum fékk Skaginn hornspyrnu í blálokin þar sem Frederik var of lengi að taka markspyrnuna sína.
Bestu leikmenn
1. Jónatan Ingi Jónsson
Mér fannst fyrirliðin vera frábær í dag fyrir Valsmenn. Skorar þetta frík mark auðvitað sem var rosalegt en fyrir utan það var hann stanslaust að ógna marki ÍA og hættulegur.
2. Árni Marinó Einarsson
Þetta er mjög erfitt val en ég vel Árna. Sammála Lárusi að hann hafi verið besti maður þeirra í dag. Hélt þeim á floti trekk í trekk og gerði vel að loka á sem flest færi. Fékk eiginlega tvö rosaleg mörk á sig sem var erfitt að verja sýndist manni við fyrstu sýn.
Atvikið
Mark Jónatans þegar hann kemur Val 2-1 yfir á 81. mínútu. Kemur með fyrirgjöf sem endar í skoti yfir Árna í markinu og samskeytin. Frábært mark og allt trylltist.
Hvað þýða úrslitin?
Skagamenn fá smá forskot á Val, hefði Valur unnir væru liðin jöfn að stigum og baráttan um 6. sætið í lokaumferðinni jafnari.
Vondur dagur
Erfitt að henda einhverjum undir rútuna en mér fannst Rafael Máni ekki alveg finna sig í dag og var tekinn útaf þegar rúmlega 10 mínútur voru liðnar af seinni hálfleiknum.
Dómarinn - 8
Mér fannst þetta mjög vel dæmt hjá Pétri og einnig Elíasi. Það urðu dómaraskipti í síðari hálfleik þegar Elías Ingi, fjórði dómari, þurfti að koma inn fyrir Pétur Guðmundsson. Ekki veit ég ástæðuna fyrir skiptingunni en þeir voru báðir bara flottir.