2-2 niðurstaðan hér í dag. Sterkt stig fyrir KA í fallbaráttunni en Framarar líklega ósáttir. Viðtöl og skýrsla detta inn seinna í kvöld. Ég þakka fyrir mig.

Barningur í teignum en þetta sleppur fyrir horn fyrir KA.

Ægir Jarl fær boltann óvaldaður í teignum og tekur skotið í fyrsta en boltinn framhjá markinu. Þarna hafði hann mátt leyfa sér að eina snertingu áður en hann lætur vaða.

Algjört dauðafæri.

Fáum við sigurmark í þetta?

Kristófer stendur yfir boltanum fullur sjálfstrausts eftir markið. Skotið í nærhornið en rétt framhjá.

Framarar kalla eftir víti en Gunnar segir nei. Áhorfendur ósáttir.

DDD reynir hjólhestaspyrnu fyrir utan teig en boltinn í fangið á Ívari. Skemmtileg tilraun og ekki sú versta.

Fínasta tilraun hjá Snorra en boltinn yfir markið.

Framarar hafa legið á KA þessar síðustu mínútur og það verður að teljast líklegt að það verði saga þessa leiks.

Stórhættuleg sókn Framara en varnarmenn KA henda sér fyrir öll skot áður en boltanum er hreinsað frá.

Fram bankar en það hefur reynst erfitt að ná skotum á markið.

Framarar skyndilega komnir í góða stöðu en snertingin hjá Vuk var ekki góð og sóknin rennur út í sandinn.

Róbert hársbreidd frá því að stela boltanum af Ívari sem var lengi að athafna sig. Róbert nær til boltans en Ívar nær valdi á honum aftur.

Guðjón Ernir í færi eftir frábæra móttöku, skotið varið og flaggið á loft.

Framarar fá enn eina hornspyrnuna en aftur skapa þeir sér ekki neitt.

Adam með fast skot fyrir utan teig en það er beint á Viktor í markinu.

Vuk kemur þessu aftur af stað.

Gunnar flautar til hálfleiks hér í Úlfarsárdal. Við tökum okkur korter og vonumst svo eftir fleiri mörkum í seinni.

Gunnar hefur verið að leyfa leiknum að fljóta. Það er harka í þessu.

Adam Ægir reynir skotið fyrir utan teiginn en boltinn yfir markið.

Róbert Hauksson tekur á sprett og er kominn að vítateignum en þá er Markús Máni mættur og kemur með hörkutæklingu. Þessi þurfti að vera hnitmiðuð og hún var það.

Áfram fá Framarar hornspyrnur sem gefa þeim ekki neitt. Þeir vilja líklega frekar innköst!

Kristófer gerir vel og vinnur enn eina hornspyrnu Framara en skallinn úr henni hátt yfir markið.

Fram fær aukaspyrnu á hættulegum stað en skot Kennie Chopart fer af veggnum og yfir. Hornspyrna.

Þessi leikur hefur farið hratt af stað. Framarar byrjuðu betur en KA búnir að vinna sig betur inn í leikinn eftir markið.

Nú liggur Kári Gautason eftir eftir tæklingu við varamannaskýlin. Framarar vilja leikinn af stað aftur og að aðhlynningin eigi sér stað utan vallar.

Framarar með sína fimmtu hornspyrnu ef ég hef talið rétt. Beint á kollinn á Ægi sem nær ekki að beina boltanum á rammann.

Mikill barningur inn í teig KA eftir hornspyrnu en gestirnir ná að hreinsa afturfyrir og Framarar fá annað horn.

Framarar klaufar í uppspilinu og Mikael Breki nær til boltans. Hann er fljótur að senda inn í teiginn þar sem Adam Ægir lúrir en skallinn framhjá markinu.

Þessi leikur hefur farið fjöruglega af stað.

Hornspyrna framara á fjærstöngina þar sem Róbert Hauksson á skalla yfir markið. Sendingin líklega aðeins og há en fyrsta færi leiksins er heimamanna.

Adam Ægir sparkar þessu af stað!

Liðin ganga inn á í sinni uppáhalds treyju til styrktar börnum með krabbamein. Fallegt framtak.

Fram-KA gjörsamlega öskrar á mörk og markalínan á Epic er frekar há en ég tek hana(Yfir 4 mörk) á 1.97 og ég set smá á KA yfir 1,5 mörk á 2.38 sem er mikið value að minu mati.

— Kristalkúlan (@kristalkulan) August 30, 2026

Byrjunarliðin hafa verið birt. Rúnar Kristinsson heldur liði sínu óbreyttu frá sigrunum gegn Blikum en þjálfarar KA gera tvær breytingar frá tapinu gegn KR.

Birgir Baldvinsson og Samuel Karl Kroon sem byrjuðu leikinn gegn KR eru ekki í hóp. Í stað þeirra koma þeir Markús Máni Pétursson og Valdimar Logi Sævarsson.

Nafn Eiðs Smára sést ekki á skýrslu hjá KA en það var vegna bilunar á vef KSÍ. Hann er á svæðinu og er annar af þjálfurum liðsins.

Liðin mættust síðast þann 15. júní fyrir norðan í 10. umferðinni. Framarar unnu þá 4-3 sigur í hörkuskemmtilegum leik.

Sjáðu allt það helsta úr leiknum.



Þegar litið er yfir sögu innbyrðisviðureigna þessara liða er allt jafnt. Liðin hafa bæði unnið og tapað 28 leikjum en jafntefli liðanna hafa verið 13. Fyrsti leikur liðanna var á Íslandsmótinu árið 1932 en þá unnu Akureyringar 2-0 sigur á gamla góða Melavellinum.

Stefán Pálsson var fenginn til þess að spá fyrir um leiki umferðarinnar. Stefán spáir 4-1 endurkomusigri Framara í dag.


"Við Framarar erum enn aumir eftir sumarið 2024 þegar KA vann okkur í þrígang. Það hefðu þeir ekki átt að gera. Aulamark gulklæddra í blábyrjun mun valda tímabundnu stressi í Dal draumanna en Vuk, Byström, Sigurjón og Freyr skora hver sitt markið á stuttum kafla sitthvoru megin við hlé. "

Gengi KA í sumar hefur ekki verið upp á marga fiska. Eftir sigur Þórs á ÍBV í gær situr KA á botni deildarinnar, tveimur stigum frá öruggu sæt en pakkinn á botninum er mjög þéttur. Það munar ekki nema tveimur stigum á neðstu fjórum liðunum.

Í síðustu 5 hafa Akureyringarnir gert tvö jafntefli og tapað þremur. 5-3 tapið fyrir KR í síðustu umferð var fyrsti leikurinn með Eiði Smára innanborðs. Hann fær því annað verðugt verkefni fyrir liðið hér í dag.

Gengi Framara í sumar hefur verið frábært. Þeir sitja í þriðja sæti deildarinnar, jafnir að stigum við KR með 43, og átta stigum á eftir toppliði Víkings en ljóst er að a.m.k. annað þessara liða tapar stigum í þessari umferð.

Í síðustu 5 leikjum hafa þeir unnið þrjá, gert eitt jafntefli og tapað einum. Þeir sóttu sterkan 4-3 sigur gegn Breiðablik í síðustu umferð og þeir leita því eftir þriðja sigrinum í röð hér í dag.

Gunnar Freyr Róbertsson verður með flautuna í dag og honum til aðstoðar verða þeir Gylfi Már Sigurðsson og Jovan Subic. Hreinn Magnússon er fjórði dómari og dómaraeftirlitsmaður KSÍ er enginn annar en Halldór Breiðfjörð Jóhannsson.

Leikurinn er hluti af 21. umferð deildarinnar. Hún hófst í gær með fallslag ÍBV og Þórs og heldur svo áfram í dag og á morgun. Umferðinni lýkur svo með risaleik á þriðjudag þegar KR-ingar taka á móti Víkingum.

Umferðin öll:

Laugardagur 29. ágúst
ÍBV 0-1 Þór
Sunnudagur 30. ágúst
Fram - KA (17:00)
FH - Keflavík (17:00)
Valur - ÍA (19:15)
Mánudagur 31. ágúst
Breiðablik - Stjarnan (19:15)
Þriðjudagur 1. september
KR - Víkingur R. (17:30)

Góðan daginn kæru lesendur og verið velkomin í þessa þráðbeinu textalýsingu frá Lambhagavellinum í Úlfarsárdal þar sem Fram tekur á móti KA.