FH fer með mikilvægan sigur af hólmi!

Kaplakrikagrýlan heldur áfram að hrella Keflvíkinga.

Viðtöl og skýrsla væntanleg.

Mate Simicic setur boltann hátt yfir markið.

Líklega síðasta tækifæri Keflvíkinga þarna.

Keflvíkingar að komast í flotta stöðu en Marin Mudrazija með aðeins of þunga snertingu í snúningnum og boltinn endar hjá Jökli.

Keflavík með aukaspyrnu fyrir markið en skallinn framhjá markinu.

Leikurinn er svolítið bara að fjara út.

Keflavík er aðeins að ná að stíga upp völlinn þessa stundina.

FH eru stórhættulegir upp hægri vænginn og enn og aftur er Ásgeir Orri að halda gestunum á lífi í þessum leik.

Smá spilkafli hjá Keflavík endar með skoti frá Eiði Orra vel framhjá markinu.

FH sækja upp hægri og koma boltanum fyrir markið á Guðmund Andra sem á fast skot en Ásgeir Orri ver þetta virkilega vel! Hann er að halda Keflavík inni í þessu.

Kjartan Kári í þröngu færi og Ásgeir Orri lokar vel á hann.

Guðmundur Andri kemur sér í gott skotfæri en Ásgeir Orri ver það vel. FH fær annað tækifæri en Marin Brigic bjargar á línu. Kjartan Kári á svo lokatilraun fyrir FH áður en Keflvíkingar koma þessu í horn.

FH-ingar hafa verið mun sterkari aðilinn út í seinni hálfleik.

Ekki alveg sami kraftur í Keflavík í seinni hálfleiknum og þeir fyrri.

FH eru mun hættulegri þessar upphafsmínútur í seinni hálfleik.

Kjartan Kári tekur spyrnuna og lyftir boltanum yfir markið.

FH fær aukaspyrnu á hættulegum stað rétt fyrir utan teig.

Kjartan Kári og Baldur Kári standa yfir boltanum.

Sindri Snær með tilraun en dregur hann vel framhjá markinu.

FH sparkar þessu af stað aftur.

+1

Erlingur Agnarsson loka fyrri hálfleiknum með föstu skoti rétt yfir nánast opið markið í þröngum vinkli eftir að Ásgeir Orri hafði hlaupið út í bolta og misst af honum.

Leikurinn verið fínasta skemmtun til þessa og vonandi heldur þetta áfram í seinni hálfleiknum og við fáum fleiri mörk í þetta.

Tökum okkur korter og snúum svo aftur með seinni!

Leikurinn verið nokkuð jafn þó Keflvíkingar hafa aðeins síðustu mínútur verið að halda betur í boltann.

Eiður Orri með fast skot fyrir utan teig framhjá markinu fyrir Keflavík eftir að Keflavík hafði fengið hornspyrnu. Keflvíkingar hættulegir í föstum leikatriðum.

Þetta er rokk og ról hérna í Krikanum. Bæði lið sækja á mörgum mönnum.

Alpha Conteh með fyrirgjöf sem Muhamed Alghoul skallar yfir markið.

Tómas Orri með tilraun rétt framhjá markinu! Flott samspil við Baldur Kára og munaði örlitlu að þessi myndi syngja í samskeytunum.

Skemmtileg byrjun á þessum leik þar sem bæði lið eru snögg að keyra á hvert annað þegar þau tapa boltanum.

Keflavík fær fyrstu hornspyrnu leiksins.

Keflavík að komast í hættulega stöðu en Stefan Ljubicic er flaggaður rangstæður.

Adolf Daði keyrir inn á teig og reynir að koma boltanum fyrir markið en Ásgeir Orri hendir sér á boltann.

FH leita af opnunum á þéttri Keflavíkurvörn en komast lítið áleiðis.

FH er með óbreytt lið frá jafnteflinu gegn ÍA í síðustu umferð.

Keflavík gerir eina breytingu á sínu liði frá sigurleiknum gegn ÍBV en Alpha Conteh kemur inn í byrjunarliðið fyrir Dag Inga Valsson sem fær sér sæti á bekknum í dag.

Þessi lið hafa mæst 91 sinni í mótsleikjum á vegum KSÍ samkvæmt vef KSÍ.

Keflvíkingum hefur gengið erfiðlega með FH-inga og þá sérstaklega í Kaplakrika. Miðað við vef KSÍ kom síðasti sigurleikur Keflavíkur í Kaplakrika á Íslandsmóti gegn FH 1980 eða fyrir 46 árum síðan.



FH hefur 48 sinnum hrósað sigri í baráttu á milli þessara liða.
Keflavík hefur 23 sinnum átt sigurorðið.
Liðin hafa þá skilið jöfn 20 sinnum.



Fyrri leikur liðana í sumar endaði með sigri FH sem var jafnframt þeirra fyrsti sigur í Bestu deildinni í ár.

Sagnfræðingurinn Stefán Pálsson, sem er líka mikill Framari og Luton maður, spáði í leikina sem eru framundan.

FH 1 - 0 Keflavík
„Þar munu þeir einir vera að ég hirði aldrei þótt drepist“, sagði Mörður Valgarðsson í Njálu og átti líklega við Fimleikafélagið og Keflavík. Slysalegt mark heimamanna í blálokin mun spilla fyrir því markmiði þeirra að gera jafntefli í öllum sínum leikjum. Bræðurnir setja á ís tillögu sína um að endurvekja tveggja stiga regluna.

Við erum að sigla inn í 21. umferð sem er jafnframt næst síðasta umferð fyrir skiptingu.
Einum leik er lokið í umferðinni en Þór Akureyri vann gríðarlega mikilvægan 1-0 sigur á ÍBV í gær sem gaf baráttunni í neðri hlutanumenn meiri spennu.

Svona lítur þetta út fyrir 21. umferð:

Spilað í gær:
ÍBV 0-1 Þór Akureyri

Leikir dagsins:
FH-Keflavík 17:00
Fram-KA 17:00
Valur-ÍA 19:15

Mánudaginn 31. Ágúst:
Breiðablik-Stjarnan 19:15

Þriðjudagurinn 1.September:
KR-Víkingur R. 17:30

1.Víkingur - 51 stig
2.KR - 43 stig
3.Fram - 43 stig
4.Breiðablik - 30 stig
5.Keflavík - 28 stig
6.ÍA - 26 stig
------------------------
7.Stjarnan - 24 stig
8.Valur - 23 stig
9.FH - 18 stig
10.Þór Akureyri - 18 stig
-------------------
11.ÍBV - 17 stig
12.KA - 16 stig

FH hafa verið ólseigir eftir erfiða byrjun á tímabilinu og unnið sig hægt og rólega úr fallsæti en þeir eru í hörku pakka við botn deildarinnar. FH getur með sigri í dag farið í 21 stig og gefið sér smá andrými frá rauðu línunni sem ógnar þeim.

Keflvíkingar eru búnir að vinna þrjá af síðustu fjórum leikjum sínum í deildinni og eru komnir vel á veg með að tryggja sig inn í efri hluta deildarinnar fyrir skiptingu.
Með sigri hér í dag tryggir Keflavík sig endanlega inn í efri hlutann fyrir síðustu umferð svo það er til mikils að vinna fyrir Keflvíkinga í dag.

Helgi Mikael Jónasson fær það verkefni að halda utan um flautuna í dag og honum til aðstoðar verða Guðmundur Ingi Bjarnason og Eysteinn Hrafnkelsson.
Þorfinnur Gústaf Þorfinnsson er fjórði dómari og sérstakur tæknimaður á skiltinu góða.
Eftirlitsmaður KSÍ er svo Gylfi Þór Orrason.

Verið hjartanlega velkomin í þessa þráðbeinu textalýsingu frá leik FH og Keflavíkur í 21. umferð Bestu deild karla sem fram fer á Kaplakrikavelli í Hafnarfirði í dag.