SKÝRSLAN: 11 mörk og Aron Sig bætti markametið
Hvað réði úrslitum?
KR-ingar voru talsvert betri í dag. Þeir voru betri á öllum sviðum leiksins og hefðu jafnvel getað skorað fleiri en átta mörk. Breiðablik skoraði þrjú mörk en vörnin var skelfileg í dag.
Bestu leikmenn
1. Aron Sigurðarson (KR)
Aron Sig var stórkostlegur í leiknum. Skoraði auðvitað tvö mörk og var frábær í uppspili KR. Hann bætti markametið með seinna markinu, stórkostlegur áfangi.
2. Sigurður Breki Kárason (KR)
Siggi Breki frábær í dag. Skorar tvö mörk og leggur upp fjögur. Hann varð þó fyrir því óláni að skora sjálfsmark en engu að síður frábær frammistaða.
Atvikið
Þegar Aron Sig bætti markametið. Hann bætti metið á 89. mínútu og það gerist ekki mikið sætara en það.
Hvað þýða úrslitin?
KR endar í 2. sæti með 56 stig. Breiðablik endar í 5. sæti með 36 stig.
Vondur dagur
Vörn Blikanna var afar slök í dag. Þeir voru allt of opnir til baka og KR-ingar hefðu getað skorað meira.
Dómarinn - 7
Sigurður Hjörtur flottur í dag.




