Ítalía: Pisa og Verona fallin eftir sigur Lecce

Pisa fékk Lecce í heimsókn í ítölsku deildinni í dag. Pisa þurfti á sigri að halda til að forðast fall. Lecce gat styrkt stöðu sína í fallbaráttunni með sigri.

Það var markalaust í hálfleik en Lameck Banda kom Lecce yfir með föstu skoti úr teignum strax í upphafi seinni hálfleiks. Mehdi Leris jafnaði metin stuttu síðar með viðstöðulausu skoti eftir að varnarmönnum Lecce tókst ekki að koma boltanum úr teignum.

Walid Cheddira tryggði Lecce stigin þrjú eftir skyndisókn. Þórir Jóhann Helgason sat allan tímann á bekknum hjá Lecce.

Lecce er í 17. sæti með 32 stig, fjórum stigum á undan Cremonese þegar þrjár umferðir eru eftir en Cremonese á leik til góða. Pisa er á botninum með 18 stig. Verona er einnig fallið en liðið er í 19. sæti með 19 stig.