Ítalía um helgina - Tryggja titilinn með sigri

Góðar líkur eru á því að tvö botnlið deildarinnar, Pisa og Verona, falli niður um deild um helgina.

Það eru áhugaverðir leikir á dagskrá á morgun þar sem Mikael Egill Ellertsson og félagar í Genoa heimsækja Atalanta og spilar Como við Napoli í stórleik helgarinnar. Heimamenn þurfa á sigri að halda í baráttunni um meistaradeildarsæti á meðan ríkjandi meistarar Napoli eru aðeins einni umferð frá því að missa Ítalíumeistaratitilinn til Inter.

Bologna, Milan og Juventus mæta til leiks á sunnudaginn áður en verðandi Ítalíumeistarar Inter eiga heimaleik gegn Parma. Þeir geta tryggt sér titilinn með sigri.

Á sunnudaginn mæta lærlingar Maurizio Sarri, sem eru komnir í úrslitaleik ítalska bikarsins, til leiks gegn fallbaráttuliði Cremonese áður en Roma og Fiorentina eigast við í áhugaverðum slag.

Albert Guðmundsson og félagar í Fiorentina eru svo gott sem búnir að bjarga sér frá falli eftir mikið vonbrigðatímabil, en Roma er í harðri baráttu um meistaradeildarsæti.

Föstudagur
18:45 Pisa - Lecce

Laugardagur
13:00 Udinese - Torino
16:00 Como - Napoli
18:45 Atalanta - Genoa

Sunnudagur
10:30 Bologna - Cagliari
13:00 Sassuolo - Milan
16:00 Juventus - Verona
18:45 Inter - Parma

Mánudagur
16:30 Cremonese - Lazio
18:45 Roma - Fiorentina