Jasmín Erla, markadrottning Bestu deildarinnar: Það á að djamma fram á rauða nótt

Jasmín Erla Ingadóttir er markadrottning Bestu deildar kvenna 2022. Hún var eðlilega sátt eftir 4-0 sigur á Keflavík. Með sigrinum tryggði Stjarnan sér Meistaradeildarsæti.

„Bara geggjað, við stefnum á það fyrir tímabil að vera í topp 2 og við afrekuðum það þannig að við erum mjög ánægðar." Voru hennar fyrstu viðbrögð eftir leik

„Það hefur mikið breyst, ég kom inn í þetta fyrir 4 árum og þá voru 11-12 leikmenn sem fóru úr liðinu, það er búið að vera byggja upp og það hefur gengið svona vel." Sagði Jasmín þegar spurt var um stígandann í Garðabænum.