Umboðsmaður Tonali: Það er ekkert til í þessu

Arsenal er að skoða markaðinn eftir að Mikel Merino fótbrotnaði og var talað um að Tonali væri á óskalista félagsins.

Giuseppe Riso, umboðsmaður Tonali, segir Newcastle ekki hafa áhuga á að selja hann í þessum glugga og að það hafi aldrei verið rætt.

„Það er ekki til umræðu á þessum tímapunkti. Sjáum til hvernig þetta verður í mars varðandi verðmiðann, en bara ef Newcastle ákveður að opna dyrnar."

„Hann er algerlega einbeittur á tímabilið hjá Newcastle þannig það er ekkert vit í því að ræða þetta núna," sagði Riso.

„Við áttum aldrei nein samtöl með Arsenal. Newcastle var heldur aldrei að fara leyfa Tonali að yfirgefa félagið í janúar. Það er bara ekkert til í þessu og við ræddum þetta ekki okkar á milli," sagði hann enn fremur.