„Þeir spila ekki með markvörð“

Como var með yfirburði gegn Napoli en tókst ekki að nýta þá og var það ekki fyrr en í restina sem ríkjandi Ítalíumeistararnir náðu að ógna heimamönnum.

Conte var mjög ánægður með stigið.

„Við erum sáttir við stigið og leikinn. Við vitum alveg hversu mörg vandamál svona leikir skapa, en við spiluðum vel og sérstaklega í síðari hálfleiknum. Við fengum færi til að skora, en allt í allt var þetta gott stig og við munum reyna að enda eins ofarlega og við mögulega getum,“ sagði Conte.

Hann hrósaði sérstaklega Butez, markverði Como, sem er einn mikilvægasti hlekkurinn í uppspili liðsins.

„Como spilar ekki með markvörð. Þeir spila með útileikmann í markinu og það er ótrúlega erfitt að pressa hann. Tímasetningin hans er stórkostleg og ef hann sér sendingu þá mun hann skapa vandamál fyrir þig,“ sagði Conte.