Fótbolti.net

Ída Marín: Getur allt gerst í svona leikjum

Steini Halldórs: Samkvæmt reglum á að stoppa leikinn

Jói Bjarna: Auðvitað finnst mér þetta erfitt og skrítið

Glódís Perla: Ef við viljum vera áfram í hæsta gæðaflokki þá verðum við að setja fjármagn í þetta

Guðrún: Komið alveg hálft ár síðan við hittumst síðast

Steini landsliðsþjálfari: Trú og hugrekki gegn heimsmeisturunum

Hlín Eiríks: Við leikmenn hefðum viljað hafa verkefni í síðasta glugga

Birta Georgs: Fannst ég ekki geta hafnað því

Elín Helena: Ein heima að gera mig til fyrir fimmtugsafmæli

Sveindís Jane: Erum ekki að fara vinna þær í því og það er í lagi

Sölvi: Við gerðum okkar og nú vonar maður að þeir geri sitt

Venni: Ef þetta eru lög þá þarf að óska eftir lagabreytingu

Benoný Breki: Ég þarf að halda áfram að vera jákvæður

„Það er ekkert lið á Íslandi svona gott"

„Ég skoraði nokkur svona á hana á Hlíðarenda"

„Mér finnst rauður fara henni betur"

Séra Davíð Þór fer yfir viðburðaríka mánuði í Skírisskógi - „Stórhættulegur brandari“

Enski boltinn - Horfðu á þáttinn í mynd

„Jói er Breti og ég elska Breta“

„Viðurkenni að það er erfitt að sjá eftir svona mörgum leikmönnum“

þri 03. mars 2026 20:37

Ívan Guðjón Baldursson

Steini Halldórs: Samkvæmt reglum á að stoppa leikinn

Mynd: EPA

Mynd: Fótbolti.net - Hafliði Breiðfjörð

Þorsteinn Halldórsson svaraði spurningum eftir 3-0 tap Íslands gegn heimsmeisturum Spánar í undankeppni fyrir HM í Brasilíu á næsta ári.

Lestu um leikinn: Spánn 3 - 0 Ísland

Ísland er í afar erfiðum undanriðli sem inniheldur einnig evrópumeistara Englands og Úkraínu. Allar fjórar þjóðirnar halda þó áfram í undankeppninni eftir að riðlinum lýkur.

„Það er alltaf fúlt að tapa en við vorum að spila á móti frábærum andstæðingum. Við áttum alveg fínan leik á köflum en þær eru bara ógeðslegar góðar í þröngu spili, stuttu spili, góðar hreyfingar, góðar að búa til yfirtölu. Við reyndum að díla við það en ef það slokknar á þér í eina sekúndu í þessum hreyfingum sem eru þarna í kringum vítateigshornin þá er erfitt að eiga við þær og það er kannski það sem varð okkur aðeins að falli," svaraði Steini, sem telur lærdómsríkt að spila gegn svona sterku liði.

„Þær voru á sínum degi, það var ákafi í þeim og nokkrir leikmenn sem voru að reyna að sanna sig. Það var meiri ákafi í pressu frá þeim en verið hefur, þær voru í aðeins rólegri pressu áður en núna var mikill ákafi í þeim. Þær spiluðu þetta af krafti og mér fannst fyrri hálfleikur allt í lagi, hann var fínn, en þetta fjaraði svo út hjá okkur. Við hefðum líka alveg viljað skora þarna í lokin."

Steini snéri sér svo að umdeildu opnunarmarki leiksins, þar sem Rusta Emanuela dómari hefði mátt stöðva leikinn vegna augljósra höfuðmeiðsla en gerði ekki. Claudia Pina skoraði fyrsta mark leiksins beint í kjölfarið, eftir að varnarlína Íslands missti einbeitinguna.

„Maður er ekki endilega sáttur með fyrsta markið og aðdragandann að því, þegar það er höfuðhögg og samkvæmt reglum á að stoppa leikinn. En svona er þetta, svo fór sem fór. Markmiðin okkar eru ennþá skýr, það breytist ekki við þennan leik."

Ísland heimsækir stórþjóð Englands til Nottingham á laugardaginn og talaði Steini um mikilvægi þess að halda þéttri vörn í þeim slag. Hann hrósaði einnig Ídu Marín Hermannsdóttur fyrir sitt framlag í dag en hún kom inn í byrjunarliðið fyrir Alexöndru Jóhannsdóttur sem er að glíma við meiðsli.