Jói Kalli: Gríðarlega svekktur
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
„Gríðarlega svekktur hvernig þessi leikur þróaðist. Við lögðum ansi mikla vinnu á okkur í fyrri hálfleik og komum okkur í góða stöðu. Komast þrjú eitt yfir á móti Fram á heimavelli við ansi krefjandi aðstæður. Það var erfitt að halda boltanum á jörðinni og spila eitthvern fallegan fótbolta en við gerðum ansi vel að komast í þessa stöðu, við vorum staðráðnir í því að fylgja því eftir í seinni hálfleik en því miður var það ekki raunin" sagði Jóhannes Karl Guðjónsson þjálfari FH eftir tap gegn Fram á heimavelli.
Ertu ánægður með frammistöðuna í fyrri hálfleik?
„Já já. Að mörgu leyti, það var langt í frá að vera eitthvað fullkomið. Við gerðum ansi margt vel, auðvitað komust Framararnir í einhver færi, þeir eru góðir í að spila þetta leikkerfi sem þeir spila, 5-3-2. Við vissum kannski miðað við aðstæður að þeir yrðu meira direct og myndu sparka meira löngu boltum fram á. Við ætluðum að vera í góðri stöðu til þess að leysa það, gekk ekki alveg hundrað prósent upp í fyrri hálfleik en við gerðum það að mörgu leyti vel. Þegar leið á seinni hálfleikinn þá gekk það því miður ekki upp, krossar lengst utan af kanti og bara langir boltar fram á við, skiptingar frá hægri til vinstri. Við þokkalega mannaðir til baka í flestum af þessum stöðum en náum samt ekki að stoppa þá í að komast svona auðveldlega í átt að markinu hjá okkur."
Voru öll mörkin of auðveld?
„Já, klárt mál. Fyrirgjöfin hjá Fred einhvers staðar lengst utan af kanti og við erum í ágætis stöðu til þess að díla við það. En því miður þá náum við ekki. Það á ekki að vera hægt að krossa boltanum þarna og fá svo frítt skot inn í vítateig. Þannig að við vorum ragir, og að verja forystu í stað þess að halda áfram og gera það sem við vorum að gera í fyrri hálfleik."
Fullt viðtal í spilaranum fyrir ofan
