Pep Guardiola, stjóri Manchester City, segist ekki ætla að bæta við leikmönnum í janúarglugganum.

City mætir Burnley í kvöld en liðið hefur ekki náð að halda hreinu í síðustu sjö leikjum og er ellefu stigum á eftir toppliði Liverpool.

Það hefur vakið athygli að brasilíski miðjumaðurinn Fernandinho hefur verið notaður í vörninni á þessu tímabili.

„Ég er mjög hrifinn af Fernandinho í þessari stöðu. Ég vil helst að hann spili þar, þess vegna gerir hann það," segir Guardiola.

Varnarleikurinn hefur verið gagnrýndur hjá City sem augljós veikleiki en félagið fékk ekki leikmann í staðinn fyrir Vincent Kompany í sumar. Þá meiddist Aymeric Laporte og Guardiola hefur ákveðið að spila Nicolas Otamendi og John Stones ekki saman síðan í september.

Það mun þó ekki ýta Guardiola út á leikmannamarkaðinn, hann ætlar að halda áfram nota Fernandinho sem miðvörð.

„Ég hef ekki áhuga á að fá neinn í janúar," segir Guardiola en hann brást illa við því á fréttamannafundi þegar hann var spurður út í hvaða gæði Fernandinho hefði varnalega.

„Hefur þú horft á leikina?" svaraði Guardiola.

Samningur Fernandinho, sem er 34 ára, rennur út næsta sumar en búist er við því að hann fái nýjan samning.

STUÐNINGSSVEIT
FÓTBOLTA.NET

Hjálpaðu okkur að halda áfram

Þrátt fyrir að enginn fótbolti sé spilaður næstu vikurnar mun umfjöllun okkar halda áfram.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit