Fotbolti.net
04.01.21 - 20:41
Brynjar Ingi Erluson

Brynjar Björn gerir þriggja ára samning við HK (Staðfest)

Brynjar Björn er búinn að krota undir nýjan samning

Brynjar Björn er búinn að krota undir nýjan samning

Canon

Mynd: Fótbolti.net - Sævar Geir Sigurjónsson

Brynjar Björn Gunnarsson, þjálfari HK, hefur framlengt samning sinn við félagið til næstu þriggja ára en þetta kemur fram á heimasíðu félagsins í kvöld.
Brynjar tók við HK-ingum í október árið 2017 og kom liðinu upp í fyrstu tilraun.

HK hefur hafnað í 9. sæti Pepsi Max-deildarinnar í tvígang síðustu tvö tímabil og undir hans forystu hefur liðið náð besta samfellda árangri liðsins í deildinni.

Hann hefur nú framlengt samning sinn við félagið til næstu þriggja ára en Brynjar var í skýjunum með að skrifa undir nýjan samning.

„Ég er mjög ánægður með að semja við HK í þriðja sinn. Það hefur gengið vel hjá okkur á undanförnum árum en enn er tækifæri til frekari uppbyggingar og bætingar. Við í HK viljum eiga lið sem kveður að í efstu deild karla og kvenna og jafnframt gefa ungum og efnilegum leikmönnum tækifæri til að þróa leik sinn og komast út í atvinnumennsku."

„Á undanförnu ári hafa einmitt þrír leikmenn fengið tækifæri erlendis eftir að hafa staðið sig vel með HK. Við munum halda áfram með þær áherslur og byggja upp HK á þeim öfluga grunni sem fyrir er,"
sagði Brynjar Björn á heimasíðu HK.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.