Jurgen Klopp, stjóri Liverpool, segir að meiðslavandræði liðsins á þessu tímabili hafi gert sig að betri stjóra.
Miðverðirnir Virgil van Dijk, Joe Gomez og Joel Matip hafa lítið spilað á tímabilinu og óvíst er hvort þeir nái fleiri leikjum. Klopp hefur ítrekað neyðst til að búa til nýtt miðvarðapar.
Miðverðirnir Virgil van Dijk, Joe Gomez og Joel Matip hafa lítið spilað á tímabilinu og óvíst er hvort þeir nái fleiri leikjum. Klopp hefur ítrekað neyðst til að búa til nýtt miðvarðapar.
„Flest vandamálin koma út af meiðslavandræðunum. Á þessu ári höfum við tekist á við algjörlega ný vandamál. Ég hef aldrei í mínu lífi - og ég hef sinnt þessu starfi í 20 ár - þurft að breyta varnarlínunni í hverri viku," sagði Klopp.
„Ég er mun betri stjóri á þessu tímabili en áður því að vanalega þarftu ekki að hugsa um þessa hluti en núna þarf ég að hugsa stanslaust um þá."
„Við lentum í svona aðstöðu á föstudaginn. Við æfðum alla vikuna með ákveðið byrjunarlið en síðan þurftum við að breyta því algjörlega. Þetta er eitthvað sem er þekkt í fótboltanum en við höfum lent í þessu nokkrum sinnum."
„Fólk getur sagt að þetta sé afsökun. Mér gæti ekki verið meira sama í hreinskilni sagt. Við notum þetta ekki sem afsökun en ef þú spyrð mig um útskýringar af hverju þetta hefur breyst þá bendi ég á þetta."
Athugasemdir