Galdur fyrir ofan Yamal á áhugaverðum lista

Galdur Guðmundsson er í 2. sæti yfir leikmenn undir 23 ára aldri úr 60 deildum sem taka flest hlaup með boltann á vallarhelmingi andstæðinganna.

Hann tekur að meðaltali 5,94 slík hlaup á hverjum 90 mínútum. Til að hlaup teljist í tölfræðina þarf leikmaðurinn að bera boltann að minnsta kosti átta metra.

Heimsmeistarinn Lamine Yamal er meðal þeirra sem Galdur er fyrir ofan á listanum. Yamal er í 9. sæti með 4,48 hlaup að meðaltali í leik.

Galdur hefur leikið 19 leiki með KR á tímabilinu, skorað sex mörk og lagt upp fjögur.