Man Utd ætlar að bjóða Calvert-Lewin samning - Al Nassr á eftir Rodrygo - Chelsea fylgist með stöðu Nwaneri
   fim 05. mars 2020 06:00
Guðmundur Aðalsteinn Ásgeirsson
Sakfelldur fyrir hatursglæp á leik Palace og Everton
Áhorfandi á leik Crystal Palace og Everton í ensku úrvalsdeildinni í ágúst síðastliðnum hefur verið sakfelldur fyrir hatursglæp. Hann var dæmdur sekur um kynþáttafordóma í garð Andros Townsend, leikmanns Palace.

Maðurinn heitir Darren Chadwick, er 39 ára gamall og frá Liverpool.

Hann var með kynþáttafordóma í garð Townsend er leikmaðurinn gerði sig klárann í að taka hornspyrnu í 0-0 jafntefli gegn Everton á Selhurst Park.

Öryggisverðir fylgdu Chadwick út af vellinum og var hann handtekinn í kjölfarið.

Honum er gert að greiða að andvirði 270 þúsund íslenskra í sekt og kostnað. Hann fer líka í bann í þrjú ár frá því að mæta á fótboltaleiki.

Kynþáttafordómar eru stórt vandamál í fótbolta, og annars staðar. Vandamál sem þarf að uppræta.
Athugasemdir
banner
banner
banner