Frakkinn sem fær hrós eftir sigur Arsenal - „Nýja Stoke?“

Nicolas Jover við hliðarlínuna.

Mynd: EPA

Nicolas Jover við hliðarlínuna.

Mynd: EPA

Föstu leikatriðin hjá Arsenal sköpuðu hættur hvað eftir annað í 2-0 sigrinum gegn Manchester United í gær, bæði mörkin í leiknum komu eftir hornspyrnur. Jurrien Timber og William Saliba skoruðu.

„Þetta er eina deild heims þar sem svona margir leikmenn hópast í kringum markvörðinn og eru ýtandi. Arsenal er nýja Stoke er það ekki? Föstu leikatriðin geta ráðið úrslitum, eins og þau gerðu í dag," sagði Dimitar Berbatov, fyrrum leikmaður Manchester United, og skaut létt á Arsenal í sjónvarpsútsendingu frá leiknum.

Föst leikatriði hafa reynst Arsenal drjúg á tímabilinu og franski þjálfarinn Nicolas Jover sem er í teymi Mikel Arteta fær hrós í enskum fjölmiðlum. Hann sér um föstu leikatriðin.

„Hann hefur sýnt leikmönnum að það eru margar leiðir til að vinna fótboltaleiki. Föstu leikatriðin eru öflugt vopn og hafa gefið okkur mikið," sagði Arteta um Jover eftir 1-0 sigur gegn Tottenham í september, þar sem Gabriel Jesus skoraði eina mark leiksins eftir hornspyrnu.

Arsenal hefur unnið fjóra leiki í röð í öllum keppnum og er sjö stigum frá toppliði Liverpool.

Stöðutafla

#	Lið	L	mun	Stig
1	Arsenal	0	0	0
2	Aston Villa	0	0	0
3	Bournemouth	0	0	0
4	Brentford	0	0	0
5	Brighton	0	0	0
6	Chelsea	0	0	0
7	Coventry	0	0	0
8	Crystal Palace	0	0	0
9	Everton	0	0	0
10	Fulham	0	0	0
11	Hull City	0	0	0
12	Ipswich Town	0	0	0
13	Leeds	0	0	0
14	Liverpool	0	0	0
15	Manchester City	0	0	0
16	Manchester Utd	0	0	0
17	Newcastle	0	0	0
18	Nott. Forest	0	0	0
18	West Ham	38	-19	39
19	Burnley	38	-37	22
19	Sunderland	0	0	0
20	Wolves	38	-41	20
20	Tottenham	0	0	0