Léttir í 4. deildinni hefur fengið gríðarlegan styrk fyrir sumarið en Jón Gísli Ström er kominn til félagsins frá Fjölni.
Jón Gísli er 28 ára gamall sóknarmaður en hann er uppalinn í ÍR og gerði frábæra hluti með liðinu áður en hann fór í ÍBV árið 2013 og spilaði með liðinu í Pepsi-deildinni.
Hann spilaði aðeins þrjá leiki fyrir ÍBV áður en hann fór aftur í ÍR og lék með uppeldisfélaginu næstu sex tímabil þar sem hann hjálpaði liðinu að komast upp í næst efstu deild.
Jón Gísli samdi við Fjölni fyrir tveimur árum og fór með liðinu beint upp í efstu deild.
Hann skoraði 2 mörk í 11 leikjum í Pepsi Max-deildinni á síðasta tímabili en hefur nú ákveðið að fara í 4. deildinni og spila með Létti í sumar.
Léttir hafnaði í 4. sæti í A-riðli á síðasta tímabili en stefnan er sett hærra fyrir komandi leiktíð.
Athugasemdir