Wolves og Liverpool áttust við í enska bikarnum fyrr í kvöld þar sem Englandsmeistararnir mættu til leiks í hefndarhug eftir tap á sama velli í ensku úrvalsdeildinni í miðri viku.
Staðan var markalaus í fyrri hálfleik á Molineux, alveg eins og í deildarleiknum, en Liverpool var talsvert sterkari aðilinn og náði forystunni í síðari hálfleik. Vinstri bakvörðurinn Andy Robertson var allt í öllu þar sem hann skoraði snemma í síðari hálfleik og lagði svo upp fyrir Mohamed Salah skömmu síðar.
Robertson er maður leiksins í einkunnagjöf Sky Sports, með 8 í einkunn. Salah fær sjöu fyrir sinn þátt alveg eins og táningurinn Rio Ngumoha sem fékk sjaldgæft tækifæri í byrjunarliðinu.
Dominik Szoboszlai, Joe Gomez, Curtis Jones og Jeremie Frimpong fengu einnig 7 fyrir sinn þátt.
Í liði Úlfanna voru Joao Gomes og Hwang Hee-chan bestir en fjórir leikmenn voru slakastir. Jackson Tchatchoua, Santiago Bueno, Matheus Mane og Tolu Arokodare fengu fimmur fyrir sitt framlag.
Wolves: Johnstone (6), Tchatchoua (5), Mosquera (6), S Bueno (5), Toti (6), H Bueno (6), J Gomes (7), A Gomes (6), Bellegarde (6), Mane (5), Arokodare (5).
Varamenn: Armstrong (6), Hwang (7), R Gomes (6).
Liverpool: Alisson (6), Szoboszlai (7), Gomez (7), Van Dijk (6), Robertson (8), Gravenberch (6), Mac Allister (6), Jones (7), Salah (7), Gakpo (6), Ngumoha (7).
Varamenn: Wirtz (6), Frimpong (7)
Athugasemdir
