Gylfi Sig: Mikil seigla í hópnum að ná að vinna sig í gegnum þessar hindranir

„Markmiðið var að vinna deildina og að verja titilinn sem er búið að reynast mjög erfitt í þessari deild síðustu ár. Gríðarlega ánægður að ná að klára þetta og ná markmiðum okkar. Já bara, geggjuð tilfinning."

Spurður út í hvað liggur á bakvið velgengnina og sérstaklega milli titla því ekki gekk þetta tímabil áfallalaust. „Það er margt og mikið, mikil samheldni í hópnum, sterkir andlega að díla við mjög erfiða hluti sem hafa verið settir fyrir framan okkur. Mikil seigla í hópnum að ná að vinna sig í gegnum þessar hindranir og klárum tímabilið vel, töpum einum leik, á mjög erfiðu tímabili, fullt af erfiðum leikjum. Auðvitað mikið af langvarandi meiðslum sem settu strik í reikninginn en bara gríðarlega sáttur með hvernig við tækluðum það."

Meigum við búast svo bara við sama Gylfa á næsta tímabili? „Já vonandi, markmiðið er bara að bæta sig á hverjum degi og hvort það skili sér síðan í sömu frammistöðu eða verða betri. Tíminn verður að leiða það í ljós. Það er auðvitað markmikið að bæta mig og reyna vera eins góður og ég get áður en ég hætti."

„Já, við ætlum að njóta þess í kvöld að vera Íslandsmeistarar og svo er bara að undirbúa sig fyrir næsta tímabil."

Viðtalið við Gylfa má sjá í spilaranum hér að ofan.