Fotbolti.net
06.05.15 - 11:06
Magnús Már Einarsson

Sindri Pálma og Ragnar Þór í Selfoss (Staðfest)

Ragnar Þór Gunnarsson.

Ragnar Þór Gunnarsson.

Canon

Mynd: Fótbolti.net - Hafliði Breiðfjörð

Selfoss hefur fengið liðsstyrk fyrir komandi átök í 1. deildinni í sumar en Sindri Pálmason og Ragnar Þór Gunnarsson hafa gengið til liðs við félagið.
Sindri er 19 ára gamall miðjumaður en hann fór frá Selfossi til Esbjerg í Danmörku í byrjun árs 2014.

Sindri sá ekki fram á að fá tækifæri með aðalliðinu hjá Esbjerg og því hefur hann gengið í raðir Selfoss á nýjan leik.

Þá hefur Selfoss fengið framherjann Ragnar Þór Gunnarsson í sínar raðir frá Val. Ragnar lék 9 leiki sem lánsmaður með Selfyssingum síðari hluta tímabilsins í fyrra og skoraði eitt mark. Hann á að baki sjö leiki og eitt mark í Pepsi-deild og Borgunarbikar með Val.

Fyrr í vikunni kom úkraínski framherjinn Denis Sytnik til Selfyssinga en þeir mæta BÍ/Bolungarvík í fyrstu umfeðrinni í 1. deildinni á laugardag.

Heimild: Heimasíða Selfoss

Sindri Pálmason.

Sindri Pálmason.

Canon

Mynd: Sunnlenska.is - Guðmundur Karl

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.