Besta deild kvenna: Breiðablik endurheimti toppsætið - Fyrsti sigur FH

Elísa Viðarsdóttir fann Hrafnhildi Ásu Halldórsdóttir inn á teignum eftir tíu mínútna leik í seinni hálfleik. Hrafnhildur var alein og skoraði af öryggi annað mark Blika.

Barbára Sól Gísladóttir bætti þriðja markinu við eftir frábæran undirbúning Hrafnhildar.

Stuttu síðar slapp Dagný Rún Pétursdóttir ein í gegn og minnkaði muninn en strax í kjölfarið skoraði Ólöf Sigríður Kristinsdóttir fjórða mark Breiðabliks og fór langt með að tryggja liðinu sigurinn. Freyja Stefánsdóttir klóraði í bakkann fyrir Víking en nær komust þær ekki.

Breiðablik endurheimti toppsætið sem ÍBV tók með sigri á Val fyrr í dag en Víkingur er í 7. sæti með 3 stig.

FH fékk Grindavík/Njarðvík í heimsókn. Nia Raisa Christopher kom FH yfir snemma leiks þegar hún slapp ein í gegn og fór framhjá Genevieve Jae Crenshaw, markverði Grindavíkur/Njarðvíkur.

FH fékk tvö góð færi í fyrri hálfleiknum en Genevieve varði frábærlega í bæði skiptin. Gestirnir jöfnuðu metin undir lok fyrri hálfleiks þegar Danai Kaldaridou kom boltanum í netið.

FH fékk vítaspyrnu eftir rúmlega klukkutíma leik þegar Natasha Anasi fékk boltann í höndina. Nia Raisa Christopher steig á punktinn en Genevieve varði boltann út í teiginn, Ingibjörg Magnúsdóttir náði boltanum og skoraði og kom FH aftur yfir.

Þetta var fyrsti sigur FH-inga sem eru í 5. sæti með fjögur stig en Grindavík/Njarðvík er í 6. sæti með þrjú stig.

Víkingur R. 2 - 4 Breiðablik
0-1 Agla María Albertsdóttir ('3 )
0-2 Hrafnhildur Ása Halldórsdóttir ('56 )
0-3 Barbára Sól Gísladóttir ('69 )
1-3 Dagný Rún Pétursdóttir ('76 )
1-4 Ólöf Sigríður Kristinsdóttir ('77 )
2-4 Freyja Stefánsdóttir ('83 )
Lestu um leikinn

FH 2 - 1 Grindavík/Njarðvík
1-0 Nia Raisa Christopher ('8 )
1-1 Danai Kaldaridou ('41 )
1-1 Nia Raisa Christopher ('64 , misnotað víti)
2-1 Ingibjörg Magnúsdóttir ('64 )
Lestu um leikinn