Einar Guðna: Markmaðurinn minn átti náttúrúlega að vera tilbúinn
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
„Ég þoli ekki að tapa, en þetta var ekki nógu góður leikur hjá okkur og Breiðablik var betra liðið í dag og átti sigurinn skilið" sagði Einar Guðnason, þjálfari Víkings eftir tap 2-4 tap á heimavelli gegn Breiðabliki.
Blikar komust yfir snemma leiks með marki úr aukaspyrnu. „Ég sá ekki aðdragandann. Við eigum ekki að fá á okkur mark úr aukaspyrnu þarna, þetta fer í gegnum vegginn sýnist mér og markmanninn líka, sem var ekki tilbúinn, og hún átti náttúrulega að vera tilbúin, það er bara þannig."
Einar var ekki ánægður með frammistöðuna í fyrri hálfleik.
„Þær fengu fullt af færum í fyrri hálfleik Blikarnir, en við vorum samt að ná að leysa pressuna þeirra af og til, við áttum þrjú fjögur upphlaup. Við vorum að velja mjög vitlaust þessa síðustu sendingu. En ég get svo sem ekki kvartað að vera eitt núll undir í hálfleik."
Einar var ósáttur hvernig Breiðablik skoruðu síðustu tvö mörkin sín.
„Við svörum ágætlega, þegar við erum komnir í vonlausa stöðu. En síðustu tvö mörkin sem við fáum á okkur eru ekki boðleg sko. Þau eru alls ekki nógu góð og við verðum að gera betur ef við ætlum að vinna leiki í sumar."
Fullt viðtal í spilaranum fyrir ofan
