„Ef að það er ekki staðan þá áttu ekkert að vera spila fyrir landsliðið“

Leikurinn er sá fyrsti hjá Íslandi í Þjóðadeildinni í ár en liðið er einnig í riðli með Wales og Tyrklandi.

Kjartan Atli Kjartansson hjá Stöð2 spurði þá Kára og Lárus hvaða tilfinningar koma yfir þá fyrir svona stórleiki hjá Íslandi.

„Það þarf ekkert að taka það fram. Ef að það er ekki staðan þá áttu ekki að vera spila fyrir landsliðið. Þetta eru forréttindi og það skemmtilegasta sem þú gerir er að spila á þessum velli. Þó hann sé ekki upp á marga fiska þá er þetta extra sérstakt fyrir okkur Íslendinga,“ sagði Kári.

Ef Lárus gæti þá myndi hann glaður vilja standa einn þjóðsöng til viðbótar. Lárus lék 42 A-landsleiki á ferli sínum á meðan Kári lék 90 A-landsleiki með gullskynslóðinni frægu.

„Maður á kannski ekki að tala um stríð í þessu samhengi því stríð er alvöru hlutur, en þetta er svipað og að fara í stríð fyrir þjóð sína. Þú ert að fara berjast fyrir þína þjóð, þinn heimabæ og fjölskyldu. Ég átti langan og flottan feril og ef það er eitt sem ég mætti endurtaka þá væri það að standa einn þjóðsöng,“ sagði Lárus rétt fyrir leik.