Íslenska kvennalandsliðið tapaði fyrir Evrópumeisturum Englands, 2-0, í öðrum leik þeirra í undankeppni heimsmeistaramótsins á The City Ground leikvanginum í Nottingham í dag.
,,Bara, við hefðum kannski getað gert aðeins meira með boltann þegar við fengum boltann og kannski smá ró og refsa þeim aðeins betur." Svaraði Alexandra Jóhannsdóttir aðspurð um hennar fyrstu tilfinningar eftir leikinn.
Lestu um leikinn: England 2 - 0 Ísland
„Ég held að við hefðum getað verið aðeins aggressívar og leyfa þeim ekki að fá svona auðvelda krossa. Mér fannst þær kannski krossa full auðveldlega inn í teignn. Svo náttúrulega að klára mennina okkar þegar krossarnir koma."
Alexandra var að glíma við smávægileg meiðsli og tók ekki þátt í Spánarleiknum er hún búin að jafna sig á þeim?
„Já, þannig fínt að fá bara 30 mínútur í dag og koma aðeins til baka og svo bara á fullu núna."
Ísland kemur úr þessu verkefni með ekkert skorað mark, eru það óraunhæfar kröfur að krefjast þess?
„Nei mér finnst það ekkert, við hefðum kannski getað þú veist, við fengum gott færi þarna þegar Sandra átti skalla rétt yfir, eða hvort hún hafi varið, þannig að við fáum tækifæri til þess að refsa þeim og við þurfum náttúrulega bara nýta þau. Við verjumst rosa mikið í flestum leikjum þannig að það er ekki nýtt fyrir okkur og okkur tekst oft að skora. Þannig bara já nýta þau færi sem við fáum.
Hvað geta stelpurnar tekið jákvætt úr þessu verkefni og yfir í það næsta?
„Þolinmæði varnarlega, það tekur ógeðslega mikið á að vera ekkert með boltann og þurfa bara að verjast og halda fókus þar. Kannski taka það svolítið með okkur inn í næsta leik og nýta þau tækifæri sem við fáum."
Viðtalið í heild má finna í spilaranum hér að ofan
