Íslenska kvennalandsliðið tapaði fyrir Evrópumeisturum Englands, 2-0, í öðrum leik þeirra í undankeppni heimsmeistaramótsins á The City Ground leikvanginum í Nottingham í dag.
„Auðvitað svekkjandi, það er aldrei gaman að tapa. Mér fannst fyrri hálfleikur vera pínu bras af okkar hálfu, við vorum ekki að ná að telja og þær með algjöra yfirhönd. Mér fannst í seinni hálfleik við aðeins ná að breyta til og mér fannst við ná svona varnarlega ná svona stjórn á leiknum. Mér fannst þær ekki vera að skapa sér eins mikið og við vorum ekki eins opnar og leyfa þeim að fara í gegnum okkur. Þannig það er eitthvað jákvætt sem við getum tekið með okkur."
Lestu um leikinn: England 2 - 0 Ísland
„Þær eru lið sem spila mikið og taka hlaup niður í vasana bak við bakverðina. Við vorum búnar að ræða það svolítið fyrir leik hvernig við ætluðum að stoppa það og hverjir ættu að fylgja en svo var það ekki alveg að gnaga í leiknum eins og við vorum búin að tala um. Við vorum að detta með alltof marga leikmenn niður í línu og ekki telja það rétt. Þannig að í hálfleik þá förum við meira í fimm manna og erum þá í betri stöðum til að taka við hornhlaupum og getum haldið miðjumönnunum okkar í sínum stöðum sem munar gríðarlega miklu."
„Við fáum dauðafæri og hefðum getað skorað. Auðvitað langar okkur alltaf að skora og við erum með föstu leikatriðin sem er eitthvað sem við vitum að við erum sterkar í og vilkjum nýta okkur. Vorum næstum því búnar að gera það í dag. Kannski samt í eina skiptið sem við komumst þannig inn í teiginn. Viljum auðvitað gera það oftar en gerum okkur grein fyrir því að þegar við spilum gegn Evrópumeisturunum að þá erum við kannski ekki að fara vera þar oft og þá verðum við að nýta þessi færi sem við fáum. Því það hefði breytt leiknum að vissu leyti ef við hefðum náð inn marki."
„Erum að fá inn unga leikmenn og hungraða leikmenn sem er auðvitað gott, gaman að sjá leikmenn eins og Thelmu sem er gríðarlega ung og farin út í atvinnumennsku og verður bara gaman að fylgjast með hvernig hún mun þróast. Ég er viss um að hún muni fá fleiri tækifæri, hún er á svipuðum aldri og ég þegar ég kom fyrst inn í landsliðið. Vonandi er þetta tákn upp á framtíðina að við munum halda áfram að búa til frábæra leikmenn.
„Alltaf gaman að fá inn hungraða leikmenn."
Viðtalið í heild má sjá í spilaranum hér að ofan.
