Guardiola ekki sáttur með dómarann: Gefðu markið og svo geta allir farið heim

Man City kom til baka eftir að hafa lent 1-0 undir á 74. mínútu eftir stórkostlega aukaspyrnu Dominik Szoboszlai. Bernardo Silva jafnaði metin og þá skoraði Erling Braut Haaland sigurmarkið í uppbótartíma.

„Þetta var frábær auglýsing fyrir ensku úrvalsdeildina. Fyrri hálfleikurinn var ótrúlega góður en svo töpuðum við skriðþunganum í seinni hálfleik. Anfield er stundum þannig. Eftir það spiluðum við beinskeytt og töpum síðan boltanum af því við vorum passífir. Þetta var rosalegt mark hjá Szoboszlai, en eftir það leiddi fyrirliðinn okkar, Bernrdo, okkur til baka inn í leikinn.“

„Andinn hefur verið til staðar og fyrri hálfleikurinn var almennt séð mjög góður, en það var smá þreyta í seinni. Omar og Erling voru passífir og þess vegna vorum við í basli.“

Bernardo Silva, fyrirliði Man City, fékk svakalegt hrós frá Guardiola.

„Hann er einn af bestu leikmönnum sem ég þjálfað. Hann er fullkominn fyrirliði og það gleður mig sem þjálfara að hafa hann hér. Liðið er alltaf í fyrsta sæti og framlag hans er ómetanlegt. Hann er ein af goðsögnum félagsins.“

Á lokasekúndum leiksins tók dómarinn mark Rayan Cherki frá miðju. Cherki rúllaði boltanum í autt markið, en eftir skoðun VAR þá var Szoboszlai rekinn af velli fyrir að rífa í Haaland áður en boltinn lak í netið. Guardiola er ekki sáttur með þá ákvörðun.

„Kommon, dómari. Gefðu markið og svo geta allir farið heim,“ sagði Guardiola um atvikið í lokin.