Man City komið með tilboð í Éderson - Man Utd vill selja Lindelöf og Eriksen - Chelsea með í baráttunni um Doué - Úrvalsdeildarfélög berjast um...
   mán 08. júlí 2024 19:20
Ívan Guðjón Baldursson
Arsenal missir Cozier-Duberry til Brighton (Staðfest)
Mynd: Getty Images
Hinn gífurlega eftirsótti Amario Cozier-Duberry hefur kosið Brighton sem næsta áfangastað. Hann hafnaði nýju samningstilboði frá Arsenal.

Cozier-Duberry er gríðarlega efnilegur kantmaður sem hefur leikið lykilhlutverk í unglingaliðum Arsenal og er með 20 leiki að baki fyrir yngri landslið Englands.

Hann hefur verið eftirsóttur af stórliðum um Evrópu síðustu misseri en helsta markmið leikmannsins er að fá spiltíma með meistaraflokki sem fyrst. Það verður áhugavert að fylgjast með Cozier-Duberry á næstu leiktíð.

Kantmaðurinn knái er 19 ára gamall og búinn að gera fjögurra ára samning við Brighton.

Hann er fjórði leikmaðurinn sem gengur í raðir Brighton í sumar eftir Yankuba Minteh, Mats Wieffer og Ibrahim Osman.


Athugasemdir
banner
banner