Alexander Groven ekki áfram hjá KA

Norski bakvörðurinn Alexander Groven verður ekki áfram hjá KA á næsta tímabili en þetta staðfesti Sævar Pétursson framkvæmdastjóri félagsins í samtali við Fótbolta.net í dag.

Groven kom til KA síðastliðinn vetur og gerði þá tveggja ára samning við félagið.

Groven á núna von á barni með unnustu sinni og því er hann á leið aftur heim til Noregs.

Hinn 27 ára gamli skoraði eitt mark í þrettán leikjum í Pepsi Max-deildinni í sumar.