„Hvernig ástandið hefur verið tæklað er frábært og ég er stoltur að sjá hvernig félagið (Manchester United) og breska þjóðin hefur komið kerfinu til aðstoðar. Vel gert."

Manchester United tilkynnti í dag um að félagið ætli að styðja við heilbrigðiskerfið í baráttunni við kórónaveiruna. Félagið hefur boðið afnot af aðstöðunni á Old Trafford, heimavelli félagsins.

Þá hefur félagið lánað bíla úr flota sínum sem starfsfólk í heilbrigðisgeiranum getur nýtt. Félagið hefur þá gefið hlífðarfatnað og aðra hluti sem geta hjálpað til.