Heimild: MBL
Ásgeir Marteinsson, leikmaður HK, kom inn á í gær og tryggði HK eitt stig gegn Fylki í annari umferð Pepsi Max deildarinnar.
Allt stefndi í sigur Fylkis en í uppbótartímanum fékk HK aukaspyrnu af löngu færi. Seiðkarlinn Ásgeir steig þá upp og skoraði beint úr aukaspyrnunni.
Markvörður Fylkis átti að gera miklu betur í markinu en það er ekki hægt að taka neitt af Ásgeiri, sem gerði það rétta og lét vaða sem endaði með marki og einu stigi fyrir HK.
„Stundum byrjar maður ekki, svo maður verður að koma inn og gera eitthvað. Ég nenni engan vegin að vera á bekknum og vonandi gerir maður tilkall næst. Ég ætlaði fyrst að gefa hann fyrir, en svo sá ég að markmaðurinn stóð framarlega og ég ákvað að láta vaða, af hverju ekki?" sagði Ásgeir í samtali við mbl.is í gær.
Ásgeir kom inn á í gær fyrir Atla Arnarson þegar um tíu mínútur voru eftir af venjulegum leiktíma.
Athugasemdir