Guðmunda Brynja í leik með KR gegn Val.
Guðmunda Brynja Óladóttir, leikmaður KR, vonast til þess að geta náð leiknum gegn Þór/KA í undanúrslitum Mjólkurbikars kvenna eftir 10 daga.
Guðmunda Brynja fór meidd af velli gegn Tindastól í 8-liða úrslitum bikarsins í lok síðasta mánaðar.
Óttast var að hún væri með slitið krossband en eftir myndatöku kom í ljós að svo er ekki.
„Ég fór í myndatöku í fyrradag þar sem allt leit vel út og bæði krossbönd voru heil og liðþófinn leit vel út. Ég hitti lækni í gær og mun taka því rólega á næstu dögum en markmiðið er að ná bikarleiknum," sagði Guðmunda í samtali við Morgunblaðið.
KR kom sér upp úr botnsæti Pepsi Max-deildar kvenna með sigri gegn Stjörnunni á heimavelli í gær.
Athugasemdir
