Pochettino er 52 ára gamall en býr yfir mikilli reynslu úr fótboltaheiminum, bæði sem leikmaður og þjálfari. Hann lék 20 landsleiki fyrir Argentínu á ferlinum og hefur þjálfað félagslið á borð við Tottenham og Paris Saint-Germain.

Pochettino gerir tveggja ára samning við Bandaríkin og mun því stýra landsliðinu á HM 2026 sem haldið verður á heimavelli.

Hann tekur við starfinu eftir að Gregg Berhalter var rekinn í sumar, en á undan honum voru Bruce Arena, Jürgen Klinsmann og Bob Bradley við stjórnvölinn.