Paulo Dybala skoraði sigurmark Juventus gegn AC Milan er liðin mættust í ítölsku úrvalsdeildinni í kvöld.

Dybala kom inn á sem varamaður fyrir Cristiano Ronaldo, sem átti slakan leik, á 55. mínútu og skoraði Argentínumaðurinn eina mark leiksins á 77. mínútu. Dybala lék á Romagnoli og kláraði færi sitt vel.

Milan var ekki verri aðilinn í leiknum, en það er ekki alltaf spurt að því í fótbolta.

Juventus eru á toppi Seríu A með 32 stig, einu stigi meira en Inter. Milan er í 14. sæti með 13 stig.

Hér að neðan má sjá önnur úrslit dagsins í ítölsku úrvalsdeildinni. Óvænt úrslit voru í Parma þar sem heimamenn höfðu betur gegn Roma.

Juventus 1 - 0 Milan
1-0 Paulo Dybala ('77 )

Lazio 4 - 2 Lecce
1-0 Joaquin Correa ('30 )
1-1 Gianluca Lapadula ('40 )
2-1 Sergej Milinkovic-Savic ('62 )
2-1 Khouma Babacar ('67 , Misnotað víti)
3-1 Ciro Immobile ('78 , víti)
4-1 Joaquin Correa ('80 )
4-2 Andrea La Mantia ('85 )

Parma 2 - 0 Roma
1-0 Mattia Sprocati ('68 )
2-0 Andreas Cornelius ('90 )

Sampdoria 0 - 0 Atalanta
Rautt spjald:Ruslan Malinovskiy, Atalanta ('75)

Udinese 0 - 0 Spal
0-0 Andrea Petagna ('90 , Misnotað víti)

Sjá einnig:
Ítalía: Cagliari skoraði fimm gegn Fiorentina

Tweet

Senda a Facebook Hafdu samband Senda frétt Prenta frétt Frétta leit