Teun Koopmeiners.
Miðjumaðurinn Teun Koopmeiners, sem átti að byrja í vináttulandsleiknum gegn Íslandi í gær, hefur þurft að draga sig úr landsliðshópi Hollands fyrir Evrópumótið.
Holland þurfti að gera breytingu rétt fyrir leikinn gegn Íslandi þar sem Koopmeiners meiddist í upphitun.
Núna hefur það komið í ljós að miðjumaðurinn getur ekki verið með á Evrópumótinu.
Þetta er mikið högg fyrir Hollendinga þar sem það kom einnig í ljós í gær að Frenkie de Jong, miðjumaður Barcelona, yrði ekki með á mótinu.
Búið er að kalla Ian Maatsen, sem lék vel með Borussia Dortmund á nýliðnu tímabili, inn í hópinn.
Athugasemdir
