Dagur Ingi Hammer Gunnarsson leikmaður Grindavíkur skoraði 2 mörk í dag í 3-0 sigri gegn Þrótt Vogum.
Dagur var mjög ánægður með að geta hjálpað sínu liði að sækja sigurinn.
Lestu um leikinn: Grindavík 3 - 0 Þróttur V.
„Mér líður bara mjög vel, mér fannst þetta bara mjög fínn leikur hjá okkur og bara það sem koma skal í sumar."
Grindavík hafa náð í 4 stig eftir 2 leiki og það hlítur að teljast ágæt uppskera?
„Það er fínt en við hefðum viljað hafa þá 6 en svona er þetta. Það er bara næsti leikur."
Dagur kom aftur inn í lið Grindavíkur eftir að hafa verið á láni hjá einmitt Þróttur Vogum.
„Mér líður bara mjög vel þetta er minn heimabær og hér er almennileg umgjörð og þetta er bara mjög flott"
Grindavík hefur ekki verið spáð ofarlega í deildinni en fotbolti.net spáði þeim 7.sæti. Hver ætli stefnan sé þó hjá Degi og Grindavík?
„Það er bara að bæta okkur sem lið og svo bara sjáum við til hvað gerist eftir það"
Viðtalið má sjá í heild sinni í spilaranum hér fyrir ofan.
